Ulamma isallen ggten ɣef leɣla n yisufar deg waggur-a n remḍan, maca mačči akk imdanen i yettxemmimen ɣef terwiḥin-nsen kan. Llan wiyaḍ, ɣas ulamma ttidiren s tjernaḍin-nsen, meɛna leqniɛa i ten-izedɣen teǧǧa-ten ttxemmimen ɣef wiyaḍ. Mačči ḥala ɣef yimeɣban, maca ula ɣef yimsebriden. Aya, iḍerru-d yal tameddit di tɣiwant n Ɛǧiba, anda kra n yimezdaɣ msefhamen gar-asen iwakken, kra n lweqt gezzilen uqbel ad yedden lmeɣreb, ad rren lewhi n ubrid ameqran anda i d-keččmen wid ara yerren lewhi n Bgayet neɣ Ǧiǧel, ad awin yid-sen kra n yisufar n wučči i yimsebriden. Dɣa d ayen i yeǧǧan inehharen ḥebbsen-d ɣer ɣur-sen, snemren-ten mačči d kra.
S. M.