Yella yiwen n urgaz yeεya, ittweṣṣi mmi-s γef uḍegger n yidrimen, maca mmi-s- nni ur ismeḥsis ara. Asmi i d-iḥḍer baba-s ad immet inna-yas: A mmi, ata-n usenduq-agi iččur d idrimen, asmi ara ten-tekfuḍ, (iwehha-yas γer yiwen n umrar iεelleq di tzeqqa), ruḥ εelleq din iman-ik.
Iεedda zzman, immut baba-s, netta yuγal γef yisurdiyen-nni menwala ikellex-as, medden akk d leḥbab-is. Tewweḍ-d teswiεt deg ikfa usenduq-nni, iruḥ γer leḥbab-is ur yufi yiwen, iqqim-d weḥd-s, ula d lxudma ulac win ara t-isxedmen acku ur iwulef ara leεtab.
Yuγal yessen d acu i d ddunit, yemmekta-d amrar-nni i s-imla baba-s, iruḥ ad iεelleq iman-is, iγli-d, teγli-d deffir-s tyemmust n lwiz, iffer-itt baba-s, dinna i yefhem tamsirt.
Yeḥya Yanes. (Yahia Yanes