Illa yiwen n urgaz d afellaḥ, ala tamusni i d raṣ lmal-is, maca nnif d lḥerma d agerruj, γef iseḥbibir nezzeh. Ihi yiwen wass innuγ d tmeṭṭut-is armi it-tluqeb, tenna-yas:-Lukan sεiγ zzher nekk seg uxxam n wid iγṛan, ur ttaγeγ ara afellaḥ laεmeṛ ikcim aγerbaz, atmaten-iw d at leqlam γef umeẓẓuγ.
Afellaḥ mi isla i lehduṛ-agi, ittwajreḥ, acku iẓra sani rran. inna-yas:-Ihi i mi ttwaḥqṛeγ akk, ad truḥed tura γer uxxam-nwen, a ten-testeqsiḍ γef wayen akk ad awen-ini&gamma,; ma ur d-tewwiḍ ara tiririt iseḥḥan a tt-uγaleḍ, acku win iγran mačči d nekkini.
Tenna-yas:-Bbuh ur illi usteqsi umi ur sεin watmaten-iw tiririt.
Inna-yas:-Ina-sen acu i irẓagen di ddunit ? D acu i iẓiḍen di ddunit?
Tenna-yas:-Ah d aya, tura ara ruḥeγ.
Mmi-tsen ad issel i wayen ara iḍeṛṛun, iḥsa yemma-s ur d-tettawi tiririt ilaqen, issen baba-s d bu lemεun, xwal-is d at-zzux n baṭel, yugwad γef yemma-s, iffeγ si ṭṭaq n taεrict, izwar s abrid ad iqabel yemma-s, imlal yid-s mi tleḥḥu inna-yas:-Yemma tewwiḍ-d tiririt?
Tenna-yas:-Maεlum.
Inna-yas:-Acu-tt?
Tenna-yas:-I iẓiḍen d tament, i irẓagen d qeḍṛan.
Dγa iwwet anyir-is, inna-yas:-Acu i yiğğan zwarγ-am-d s abrid.
Tenna-yas:-Ayγer?
Inna-yas:-Lemmer ad isel i tiririt-a a m-ibḍu aqeṛṛu, ma tebγiḍ ad tkemmleḍ ussan-im yid-ne&gamma,; in’-as terẓeg d cceṛ tiẓedt d lxiṛ.
Yuγal mi i tewweḍ s axxam, inna-yas urgaz-is:-Amek ihi?
Tenna-yas:-A k-qaṛṛen i irẓagen
Yeḥya Yanes