Ussan-a yezrin, Ilul-d yiwen n ugraw n yimezdaɣ mgal tmes deg teẓgiwin, deg temnaḍt n Ukbu, aya yella-d send mi yerɣan w azal n 7000 ha deg lwilaya-a n Bgayet. Agraw-a yebɣa d win ara yessiwḍen tiɣri d usḥisef ɣef twaɣit-a i iɛerran i teẓgiwin n Bgayet seg tizzegzewt d ccbaḥa-ines., rnu ɣur-s tisegra i twennaṭ d yimɣan. Aṭas, gar imezdaɣ menwala, inelmden n tesdawit, iɛeggalen n tdukkliwin d yimeɣnasen-nniḍen; begsen akken ad seknen lɣiḍ-nsen i yimḍebren d ddula s umata. Agraw-a yessawel i wakken ad d-fɣen yimezdaɣ, ilmend n yiwet n tikli n usḥisef, deg temdint n Ukbu ass n lexmis 13 ctember ɣef 10h30, seg tesnawit n Ḥafsa ar tmekkant n Yimeɣrasen n temdint-a n Ukbu. Imezdaɣ d wid yettezmen ddula d akken ur d-tefki ara udem akken ilaq i wakken, xersum, ad yeslek wayen d-yeggran seg teẓgi, imi ulac ar ass-a ttawilat atraren i useḥbiber ɣef teẓgi d ttawilat i usnusu n tmes s lemɣawla.Akken daɣ yuran deg yiwen n wulɣu d akken “…llan yemdanen d irebraben n twnnaṭ…imi ttrajun tallit-a n ssmayem i wakken ad s-fken taxlalt, ayen ara sen-yessafessen abrid akken ad afen ugar n liseɛ i wakken ad ssidren iɣersiwen-nsen.” Tawennaṭ, ad ttan tettmettat cwit cwit kan, ma tkemmel akka.Ihi, taluft-a d tamsalt n yimezdaɣ akken ma llan anda ma llan,i wakken ahat agama ad d-yernu kra i tisuta d-iteddun, ma ulac, d amdan n tura yefkan afus, dɣa, yewwet-it wugu
Samir At Buɛza