Larebɛa Nat Iraten : Ttwamedlen tewwura ɣef ussan n umezgun amaziɣ id tessudes tidukla « Tigejdit » deg Larbaɛ Nat Iraten assen larbaɛ 5 di Cembtember. Tadwilt agi tis snat deg ttaken azal n 10 n terbuyaɛ umezgun begnent-d iswir wuɣur yaṣṣaweḍ umezgun s tmaziɣt deg issagasen-agi inaggura. Tasqamut yellan ɣef demma n waktazal n tmezgunin yettikin deg timzizelt mudden arrazen i leqdic id yufararen. Deg akka arraz n tamezgunt ifazen iṣṣaḥed i terbaɛt n tawrirt meqran s tmezgunt-nsen « Takna ». Arraz n umallab (comédien) ifazen yezzi i Mass Chaouch Mohand id yuraren di tmezgun « axxam n lḥerga », ma d win n tamallabt ifazen yuɣal i tamsiwt Hamadou Kamelia yettikin di tmezgunt « takna ». Arraz n ussudes ( mise en scene) amazwaru d win i d-iṣaḥen i Mass Moqran Lyes n tarbaɛt « Tigejdit » n Lrebaɛ Nat iraten. Arraz n usayes( décors) d win tawwi tarbaɛt n umezgun « Tigejdit » id yuraren di tacquft n umezgun « Muḥ u berbuc » . Ma d arraz n uḍris id yufararen iṣaḥed i waḍris Duminu (turar tarbaɛt n Tacemlit n tidukla Yusef U Qasi) uran sin watmaten : Noredine d Hamid Ait Slimane. S wakka i kfan ussan-agi n umezgun di Lerbaɛ Nat Iraten..lehwi si tura yuɣal ɣer tadwilt tis talata akken simmal ɛammel amezgun amaziɣ ad yawwiisurifen ɣer zdat.
A . S. H