Yiwen n urgaz isεa ddaεwa, ilaq ad ittuḥkem fell-as, inṭeq γur-s ṣṣelṭan:-A leflani azekka ṣṣbeḥ ad truḥed akken ad tεeddiḍ di ccṛaε.
Argaz:-Anεam ay agellid yerbeḥ.
Seg wakken argaz iferγ-as yiḍes iεawez di ttexmam, iṭṭes armi d azal. Mi iwweḍ zdat n ugellid inna-yas:-Acuγer akka tbeṭṭleḍ ttiεad?
Irra-yas:-Laεfu ay agellid, iḥkem fell-i ṣṣelṭan.
Agellid:-Ṣṣelṭan?
Argaz:-Ih ay agellid,ṣṣelṭan izemren ad iḥkem ula fell-ak.
Agellid:-Anwa ṣṣelṭan-agi?
Argaz:-D iḍes.
Yuγal agellid iwala s tidett akken ibγu yiwen iḥkem, mi ara d-yaweḍ yiḍes d netta ara iḥekmen fell-as, yuγal inna-yas:-Ruḥ tettusemmḥeḍ.
Yeḥya Yanes