Dayen, tefra-d ass-nni n larbaɛa yezrin, deg yiwen lejmaɛ id yessemlalen iɛeggalen n lwilaya n Bgayet (APW) ilmend n umsefham ɣef tedrimt n zyada d-teṭṭef lwilaya(BS 2012). Tagnitt-a d tin daɣ id yessemlalen iɛeggalen-a n lwilaya akk d wid n tenmehla teɛna taluft n trisiti, yagnitt i deg meslayent snat n tamiwin-a ɣef laɛḍil d wuguren yellan deffir n tguni n kra n yisenfar, yal tama tettezem tayeḍ, ma deg tudrin d ṭṭlan amzun qnent wallen! D ayen yessewhamen, deg lqern wiss 21 mazal llan-t tudrin ur tent-yelḥiq ara lxiḍ n trisiti, dɣa mazal imezdaɣ-nsent ceɛɛlen tiftilin, imir kan, wiyiḍ deg temnaḍin-nniḍen ttnadin ad skecmen ar yixxamen trisiti s yiṭij (energie solaire).Acukan, tella yiwet n taluft, seg tama n yimezdaɣ, dakken tugett ur ssishilen ara timsal i yimḍebren akken ad ddun deg lecɣal akken iwata, imi “… llan gar yimezdaɣ d timezdaɣ wid yettagin ad tezger tgejdit n trisiti igran(iḥerqan)-nsen, ayen d-igellun s laɣḍil i yisenfar”. Aya d ameslay i is-ḥudden ɣef yiman-nsen yimḍebren teɛna taluft-a n trisiti. Ad tan ihi tefra-d, ma numen ar wawal n uselway n “APW” n Bgayet Hamid Ferhat, dakken ttunefken wazal n 15 imelyaren i usekcem n trisiti i wazal n 3200 yixxamen ur nesɛi ara deg tudrin n lwilaya n Bgayet. Yeggra-d kan ad nẓer ma ad walin tafat deg tudrin-a send tallit n teglest( ccetwa) qessḥen neɣ ad ɛassen ɣef yiḥerqan-nsen !
Samir At Buɛza