Yiwen urgaz isteqsa taweṭṭuft:-A taweṭṭuft acḥal n tḥemẓin i tzemreḍ ad teččeḍ deg yiwen n usuggas?
Taweṭṭuft : ”Yiwet n tḥemẓett” Argaz ibγa ad ijaṛṛeb dγa ma s tidett, iddem-d tabbwaḍt irra γur-s yiwet n tḥemẓett yerna taweṭṭuft-nni, yura γef tebbwaḍt ass d waggur i wakken ad icfu, iγelq-itt iğğa-tt. Asmi id-izzi useggas, argaz iddem-d tabbwaḍt-nni ildi-tt, yaf taweṭṭuft tedder maca tečča kan azgen, iwhem !Isteqsa-tt: “A taweṭṭuft tenniḍ-iyi tetteγ yiwet n tḥemẓett deg useggas, ğğiγ-kem aseggas uffiγ teččiḍ ala azgen, acimi ? Ayγer?”
Taweṭṭuft: “Asmi lliγ deg ufus n sidi Ṛebbi meḥsub di tlelli-w, tetteγ tiḥemẓett, acku ẓriγ aseggas wayeḍ Ṛebbi ur itettu yara ad id-iheggi tayeḍ, asmi uγaleγ deg ufus n wemdan meḥsub di tbbuwaḍt, ugadeγ ad itettuḍ ččiγ kan azgen, ccuḥeγ i wayeḍ akken ad idireγ yis-s aseggas nniḍen amar deg-s ad iyi-d-temmektiḍ”
Taggara. Win iṭṭfen di Ṛebbi ur t-itt-xass wara, acku d netta iγ-d-ifkan γer wakal, acu amdan ilaq ad ixdem igellan fell-as. Muqqel γer tweṭṭuft aεeqqa aεeqqa tetteg leqrar tettaf-it di tegrest, amdan ad ittkel γef Ṛebbi d yiγil-is, amdan mačči d yiwen wass a k-irfed.
Yahia Yanes