Tabrat d ukaskiḍ d taceqquft i d iyi d-tekka tiktideg yimi i ɣriɣ taceqquft yura tahar weṭṭar (Ddurt-a ad zzin imeɣrasen)
Dɣa tazwara iswi-iw ad t-id erreɣ ɣar teqbaylits akken refdeɣ amaru yurag-d wayen nniḍen nek ɣuri zemreɣ ad d-iniɣ d ayen akken isxezneɣ i d yemmaren, daɣen d akken tezzi lelha-w ɣar tullist n tmeččimt n ufellaḥ ass-n i as-yessena bab n wayla ad ak-xelseɣ , afellaḥ yedla ar lǧib-is imudd-as tameččimt yenna-as axx ayen tewzen d ayen id iyi d tewwi ad iyi tselkeḍ ihi xseɣ kan ad iniɣ lewṭab n yiwen ur tettqaddan ara yedrimen, wala tijmilin, win yebɣan ad as-yerr tajmilt ad yeddu deg wubrid i d-yewwi nnig waya d akellex.
Wezger iɛlef-itent weɣyul, erẓen yizemawen, ɣelten wuccanen. Aw! ad tzedɣeḍ deg udrar ma wer telliḍ d uccen?
Dda Ḥemmu: ihi akka! awal tenniḍt-id, aqel-aɣ di lɣaba, gten isugnan d lemneɛ, sufella d amadaɣ ɣur-s nnfeɛ: asɣar, lhawa, tizzegzewt, ma d axel ala at wid-is i yeẓran, s anida yudaf ad t-id twaliḍ ad tesḥmceḍ ɣur-s mi-d uḍeḍ, fella-s ad trewleḍ, kra da akk sseba-s
Abusṭawi: sebba-s d kečč d wid yellan am kečč.
Dda Ḥemmu: dacu, ara terğuḍ di win it ɣunfa lmut, akud yettut, tazmart tfut, temdel tewwurt, yall ass yettnuj aniwa ara d ger tegnit ad tidildi, ad iwali, ad yemmeslay, yella wayen ara d yini, yeffud awal, awal lqayen am wakal yeffud awal, awal yessefsayen uzzal, gar wufal d wuzzal d akal. im ara d yemlil bab n wawal d bab n wakal uffal yettuɣal d uzzal, yal ass yettgani ahat ass ad d yawi kra.
Abusṭawi: attan tebratt.
Dda Ḥemmu: ih! ayemma tabratt am ta! aniwa i tt-id yuran, d acu i d tewwi?
Abusṭawi: i tura ahat dayen teẓriḍ?
Dda Ḥemmu: limer i yeẓriɣ iwacu tabrat.
Abusṭawi: ahat d tabrat n sslam.
Dda Ḥemmu: ur tufuḍ win ara d iselmen fell-i, kra n win i ssneɣ: wa isellem wayeḍ isulem.
Abusṭawi: aw! tenger?!
Dda Ḥemmu : amek ur tnegger ara, tabrat ẓẓayet fella-k ad-iyi-tt-id-sseɣreḍ!
Abusṭawi: awi-d ah!
Dda Ḥemmu: ekkes akaskiḍ
Abusṭawi: atan diɣ! waqila tersel-ik-id ɣef ukaskiḍ-a.
Dda Ḥemmu: kerheɣ ad twaliɣ, limer ttmenyafeɣ ad iɣleq lluzin i ten-id-yessufuɣen.
Abusṭawi: akaskiḍ ad uzal, til ɣar win it yettlusen
Dda Ḥemmu: s kra n win it ttlusen ula d netta d akaskiḍ dayen
Abusṭawi: terra tmara nelsa-t.
Dda Ḥemmu: tamara-k anef as ɣur-k, i tmara-w nekk anida ara tterreɣ
Abusṭawi: ihi akken ad ag-d-sseɣreɣ tabrat-ik , yewwi-d ad ttqebleḍ tamara-w
Dda Ḥemmu: tamara-k anef-as ɣur-k, nekk ur tufiḍ tamara i d iyi rran.
Abusṭawi: ad nesɣer tabrat neɣ ala?
Dda Ḥemmu: aw! a ttajḍiṭ! iyi d sbibbeḍ tamara-k s tebrat. Anef-as i tebratt ad teqqim, ma d kečč eğğ tamara-k ɣur-k.
Abusṭawi: ahat ad tbeddel fella-k, ayɣer ala.
Dda Ḥemmu : ma teqqim alami d ass-a ara tbeddel, awer tbeddel, anef meqqar ad tkemmel, ih! assen i tcebḥeḍ ay adefel ad tewteḍ ur d witeḍ ara
Abusṭawi: Rebbi d lḥanin, ɣas kečč meqqreḍ, llan imeẓyanen
Dda Ḥemmu: I tura d tbrat-iw neɣ d tabrat-ik?
Abusṭawi: i ynek.
Dda Ḥemmu: imi iynu, ihi tura ur k nniɣ ara sseɣer-iyi-tt-id, tura ad tcergeɣ.
Abusṭawi: ɣur-k i txeddmeḍ…, ddnub iyiri-k.
Dda Ḥemmu: ɣur-i ddnub?
Abusṭawi : d ayen akk? ula d kečč d amdan!
Dda Ḥemmu : waqila tɣelṭeḍ d tacebḥant-a i d ak yellan di lbal…
Abusṭawi : aziɣen diri-k a Dda Ḥmmu!
Dda Ḥemmu : I wi! diri-yi, limer ad tneldi amek ara uɣaleɣ?
Abusṭawi : ah! A Dda Ḥemmu …tesser….
Dda Ḥemmu : aw waqila tettwaliḍ-iyi-d d tabrat, nekk ttwaliɣ-kin d akaskiḍ, aya ad ak iniɣ anemsefham, tagi d tbart d lkaɣeḍ neɣ?
Abusṭawi: ih
Dda Ḥemmu : winna d akaskiḍ d uzal neɣ?
Abusṭawi : ih.
Dda Ḥemmu : limer ad nruḥ aten-newzen, ma nufa d akaskiḍ-nni i yeẓẓayen ad d sseɣreḍ tabrat-a, ma d tabrat a i yeẓẓayen
Abusṭawi : ad d kkseɣ akaskiḍ-a
Dda Ḥemmu: akka?
Abusṭawi : limer ad ak iniɣ ad nessers tabrat d ukaskiḍ di rrif ad nemmeslay kečč d nekk
Dda Ḥemmu : ah! (yettxemmim) i sserwal-nni, d lbista-nni d wekrabaḍ-nni?
Abusṭawi : yak d akskiḍ kan i tkerheḍ, a tura kečč eğğ-iyi ɛeryan! ala ad nruḥ ad d newzen iman-nneɣ kečč s tebrat-ik nekk akka lliɣ, akka ah! awah akka ad ak agareɣ xaṭi, xaṭi.
Dda Ḥemmu : tufiḍ-tt-id, akka akka.
Abusṭawi : tqebleḍ?
Dda Ḥemmu : qebleɣ.
Abusṭawi : (turar-as, yettmeslay iman-is, iman-is) aw tameččimt am tihin ad tagar aftat am nekk!? yerna yeqbel ma yella wezneɣ ayen akka lsiɣ at agareɣ, tqebleḍ?
Dda Ḥemmu : qebleɣ, qebleɣ maca ad nawi inagan.
Abusṭawi : ula d kečč d ayen ifuk laman!
Dda Ḥemmu : anida ḥsiɣ!
Abusṭawi : (yettxemmim) ah! Awwah netta i yqeblen akka yella kra awah ad
nawi inagan (I yiman-is ) ad nawi, ad nawi ih aniwi ara d nawi ?
Dda Ḥemmu : awi-d win i d ak yehwan
Abusṭawi : win iyi hwan!
Dda Ḥemmu : ih ih! win i ak yehwan fern-d akk wid igerzen wamma wid ara g d yezgen d ayen ibanen
Abusṭawi : d acu i tenniḍ deg bu Xas-xas?
Dda Ḥemmu : d argaz
Abusṭawi: d acu i tenniḍ deg bu Anef-Anef?
Dda Ḥmmu : izad wayen i zaden.
Abusṭawi : gerzen neɣ ala? (awah afran yexḍa-k waluf) d acu i tenniḍ deg bu Yah-wah.
Dda Ḥemmu : limer d tezwareḍ deg-s, nekk ɣilleɣ tettuṭ, neɣ ur d mezgeḍ ara yid-s
Abusṭawi : I kečč aniwa ara d awiḍ?
Dda Ḥemmu : iyaɣ ad ak iniɣ eṛṛa wigi.
Abusṭawi : awah! ula d kečč d azref-ik ad d ferneḍ.
Dda Ḥemmu : akkiya!
Abusṭawi : amek! ɣas tumneḍ-iyi, maca ula d kečč yella win teẓriḍ igerrez akka kra.
Dda Ḥemmu : attan ihi d wawal-ik d acu i tenniḍ di ɛgugu ur n ɛeggu?
Abusṭawi : amek!? ɛgugu!? waqila tedrewceḍ.
Dda Ḥemmu : acuɣef!?
Abusṭawi : isem-is kan i d awal-is d aɛeggun.
Dda Ḥemmu: ma yeɛuggen ɣur-k, wamma ɣur-i yettmeslay yif wigi ara d tawiḍ akka kečč-i.
Abusṭawi : agma akken twalaḍ, maca ɣur-k kan azekka imeṭṭawen
Dda Ḥemmu : Imeṭṭawen, imeṭṭawen! yekkaw yeẓri-w deg yimaṭṭawen, ayen yellan akk yurag-d ala nhati yeskuffuren i d-iyi-d yeqqimen, ula d cfawat, akken bɣuɣ zziɣ-asent-id, d tasent-d ala di tirga-w, ma wer qqineɣ ara allen-iw, ma qqneɣ-tent, deg-sent ɣerqeɣ, d ayemmi, i d ferneɣ ɛgugu ur nɛeggu akken iliɣ d tmerteɣ, ttumerzeɣ, dgeddgeɣ, ṛṛzeɣ, ima ara muqqel-eɣ deg-i yettuɣal-iyi-d wul, yettuɣal-iyi-d lḥir d dḥer, yes i yeddreɣ, yides d tidireɣ.
Akli Outamazirt
yettkemmil…