… Amur n yimawlan n tisertit tṣuɣun ilaq ad yebṭel lbut-nni( Said Sadi, Abdelhaq Benhamouda, El Hachemi Cherif ) wiyaḍ sawlen akken ad kamlent tifranin deg uḥric-nsen-t wis ssin . Akken ad yili waya ( akamel n tifranin) kra seg ikabaren-agi sawlen i wagdud akken ad yegzem abrid s wudem n tugdut i ukabar n Abasi Madani( ger assen le FFS, PT, ..). Amer ad irasi tikti-ines deg ul n lɣaci Mass Ait Ahmed Hocine yegga tiɣri akken ad tilli yiwet n timesbanit di Lẓayer tamanaɣt assen 12 janvier 1991. Akken i yella lḥal tella-d tikli -agi deg ttikkin ugar n umelyun n yemdanen kkan-d si yal tama n tmurt suɣen s ljeh n tuɣac nsen : « ala i ddewla n yemṣulta, ala i ddewla tineslemt ». Tagnit n yimir tesmirjiḥ ger ssin iberden, ur iban sani ara tmil. Iɣisan ( yewten di tugdut) yellan ger wa akked d wi simmal ttnernin , tamurt duga duga tecceg ɣer ugni n lmuḥal.
Lmuḥal yeflali-d assen-deg yettwaɣḍel neɣ yettwakkes usalway Chadli Bendjedid di 11 Janvier 1992. Imdebren ( wid yeṭṭfen zmam n leḥkem ) gezment d ṛay ad yebṭel lbut-nni. Di lǧera n wayen-nni (menbeɛd mi yetaxer uselway Chadli Ben Djedid) ggen tiɣri i Mass Mohamed Boudiaf akken ad issedu timsal, ad yuɣal d aqeru ɣef tmurt. Setta waguren defir anecten yettewenɣa ula d netta s rṣas di temdint n Annaba. Tamurt tuffa-d iman-is deg ujajiḥ n lfetna. Tekcem deg issagssen lmḥena. Tixazabiyin n rebrab bdant kattent tirni, ameqyas yeqfel ɣef tigduda. Lxuf, tugdi, lmut-a, ineẓman d ayen ara yidiren iẓẓayriyen azal n ɛacra n issagasen yessen d idamen , yesburen amendil n tebrek .
Deg tagnit –agi taqesḥant, ttwenɣan yiragzen n lɛali ama wid n tsertit neɣ wid n yidles amenzu d Boudiaf s timad-is. Ulamek ara d nemslay ɣef aya meblla ma nudred tammattent n Said Mekbel, Tahar Djaout, Bousebsi, Kasdi Merbah, Laadi Flici, Lyabes, Matoub Lounes, Slimane Amirat… tadyant n Benṭalḥa, tin n Relizane. Lḥasun mačči d yiwen neɣ yiwet aten id nedder. Adabu yuffa abrid amek ara yenneɣ tugdut ur d nefrurex di tmalalt. Ass-a d wid yewwin tamurt ɣer usxay i mazal ṭṭfen tisura n leḥkem. Yensa dderz n wacruf, aten-nni zzind yigarfiwen amzun kra ur yelli !
Hamid Ait Slimane