Tabrat d ukaskiḍ d taceqquft i d iyi d-tekka tiktideg yimi i ɣriɣ taceqquft yura tahar weṭṭar (Ddurt-a ad zzin imeɣrasen)
Dɣa tazwara iswi-iw ad t-id erreɣ ɣar teqbaylits akken refdeɣ amaru yurag-d wayen nniḍen nek ɣuri zemreɣ ad d-iniɣ d ayen akken isxezneɣ i d yemmaren, daɣen d akken tezzi lelha-w ɣar tullist n tmeččimt n ufellaḥ ass-n i as-yessena bab n wayla ad ak-xelseɣ , afellaḥ yedla ar lǧib-is imudd-as tameččimt yenna-as axx ayen tewzen d ayen id iyi d tewwi ad iyi tselkeḍ ihi xseɣ kan ad iniɣ lewṭab n yiwen ur tettqaddan ara yedrimen, wala tijmilin, win yebɣan ad as-yerr tajmilt ad yeddu deg wubrid i d-yewwi nnig waya d akellex.
Abusṭawi: ttisewham.
Dda Ḥemmu: I ywehmen d win wer neẓri d acu id iẓiḍ, d acu i d berri, aḥtut-iw yunez timri, ɣer win ur neẓri, wamma ɣur-i amzun d ifri, ttewteɣ, tuɛegbeɣ, tturegmeɣ yes, ula d akken d axell-iw ires, ad-iniɣ a ttaɣ tmes, ad susmeɣ
yezwi yiɣes, dɣa nettgani, nessaram, neqqar: ahat yiwen wass kan ad yenced atma-s aneg aqewas ahat ṭṭalem ad yezzem iman-is.
Abusṭawi: ul-ik yeččur d tibḥrin, aniwa ara yafen akk imdanen am kečč, tessneḍ akk anecta, tfehmeḍ akka akk, terniḍ tewwiḍ-d ɛgugu ur n ɛeggu d inigi!
Dda Ḥemmu: D aya iyi-d-iṣaḥen, ahat d wa i d azal-iw!
Abusṭawi: I tura ad asen-d nessiwel? aniwa ara asen-d-issiwlen ?
Dda Ḥemmu: yal yiwen yessiwel i wid-is
Abusṭawi: i tebrat-nni ɣar waniwa ara teqqim?
Dda Ḥemmu: ɣur-i!
Abusṭawi: awah! iyaɣ ad ak-iniɣ ad neddukel d isin ad d nezwir d ɛgugu ur n ɛeggu s yin ad nẓer wiyiḍ neɣ akken twalaḍ
Dda Ḥemmu: waqila tabrat a terḥa-k akken id-iyi-rḥa ukaskiḍ-nni
Abusṭawi: Akaskiḍ
Dda Ḥemmu: tabrat
Abusṭawi: tabrat, d tabrat, akaskiḍ…
Dda Ḥemmu: ayal yiwen d acu it yerḥan
Abusṭawi: neddmeɣ deg-yimi id ruḥeɣ akken nnan “buddeɣ ajɛud ikcef-iyi”.
Dda Ḥemmu: ih! kečč d kečč, nekk d nekk, limer isin yidneɣ llant tebratin, tilli mačči akka ara nili
Dda Ḥemmu: dinna d tuyat, dagi d…
Abusṭawi: d titat.
Dda Ḥemmu: menyif ttuɣ ad llewteɣ, neɣ tuyat ad ṭṭukkeɣ
Abusṭawi: amek ara nexdem ihi?
Dda Ḥemmu: iyaɣ aɣ-iyi d ṛṛay, ttu tabrat-a, err iman-ik ur d iyi-d tewwiḍ ur d-iyi-tessineḍ ur k ssineɣ, ur nemẓir.
Abusṭawi: awah! d awezɣi.
Dda Ḥemmu: ah yella kra iyi-t ttalaseḍ? ad ak xelseɣ d acu …? Ihi wexxer-iyi awi d webrid-ik ayya.
Abusṭawi: kečč ur teẓriḍ ara si ṣbeḥ tugiḍ ad tfehmeḍ
Dda Ḥemmu: ur ẓriɣ ara, ur fhimeɣ ara urd-iyi-d tuqiɛ dayen
Abusṭawi: qim, qim, ad ak-id sfehmeɣ (yeṭṭal akka d wakka) semḥes
Dda Ḥemmu: aqli smeḥsiseɣ
Abusṭawi: (yeṭṭal akka d wakka, yugad) ammm
Dda Ḥemmu: aha ah! Mmeslay ah.
Abusṭawi: (yeṭṭal akka d wakka) teẓriḍ?
Dda Ḥemmu: ur ẓriɣ ara
Abusṭawi: (yeṭṭal akka d wakka) sell-d.
Dda Ḥemmu: aqel-i selleɣen.
Abusṭawi: (yeṭṭal) wagi d sseriya.
Dda Ḥemmu: amek d serriya?
Abusṭawi: araju ur tt-ɛeggiḍ ara aw ccet, susem ah! Susem!
Dda Ḥemmu: Aḥlil! Abusṭawi s serriya
Abusṭawi: (izemmem-as imi)
Dda Ḥemmu: (yettɣil at yeskuffer) aw! ad iyi teskufreḍ? ah drus akuffir agi i nekk imi d sseriya i wacu ara yi-tt-id-iniḍ?
Abusṭawi: susem ah! ahya a Dda Ḥemmu ulac aniwa ara skufreɣ alama skufreɣ-k kečč-ini ahya a Dda Ḥemmu qim ad-ak-id ssfehmeɣ
Dda Ḥemmu: ur d iyi-d-ssefham ara
Abusṭawi: Ak-id sfehmeɣ
Dda Ḥemmu: nekk ur fehmeɣ ara d aɛluḍ d aɛgugu
Abusṭawi: ala! kečč i d lfahem, d uḥric d argaz d wawal Dda Ḥemmu n at muḥ n at Dda muḥ
Dda Ḥemmu:ur d iyi ttmassi y ara
Abusṭawi: a ruḥ
Dda Ḥemmu: ekkes akaskiḍ-ik
Abusṭawi: a ruḥ (i ɛedda at-id yekkes yendem)
Abusṭawi: awah! Amek i nehder?
Dda Ḥemmu: Ah! tabrat akaskiḍ
Abusṭawi: (yuɣal ɣer umuqel) seg assen ibdiɣ xeddmeɣ d abusṭawi ur d ṭṭifeɣ tabratt am ta gar ifassen-iw ihi ma trebɣiḍ ad teẓreḍ d ccaf iyi-d-yuznen ɣur-k.
Dda Ḥemmu: acimi i tesbulɛuḍeḍ fell-i si ṣbeḥ alami i d lmeṣbeḥ? Ah ula d nekk faqeɣ-ak ah yus-ad uṭermul ad yesṭermel ɣef ugellid n ṭramel dayemmi i t ttezziḍ si ṣbeḥ t ttenḍeḍ ah! a yiwen d serriya!
Abusṭawi:ma d nekk aqel-i nniɣ-ak-d ma d kečč ẓer iman-ik
Dda Ḥemmu: ihi imi akka ini-as icerreg-itt.
Abusṭawi:Ad-iyi-cerreg
Dda Ḥemmu: ak icerreg, ihi kečč d tbrat agi yiwen nwen ula d kečč d tabrat ah ! i tura ima nniɣ-ak ekkes …
Abusṭawi: awah! d awezɣi akaskiḍ ala ala!
Dda Ḥemmu: tura tuɣaleḍ d tbrat, ur d yeqqim deg-k ukaskiḍ
Abusṭawi: akken tebɣuḍ wali-yi-d nekk d abusṭawi ayen nniḍen ẓer iman-ik
Dda Ḥemmu: ih ! d ayemmi i tugiḍ ad iyi-tt-id-tesseɣreḍ !
Abusṭawi: nekk d axeddam
Dda Ḥemmu: imi iwala ccaf ik akka, acimi ur d iyi-d ceyyeɛ ara d nekk ara n yerzun akken a tt-id-awiɣ
Abusṭawi: ulamek
Dda Ḥemmu: amek?
Abusṭawi:ulamek
Dda Ḥemmu: Bɣiɣ ad d ẓreɣ amek ulamek
Abusṭawi: tabrat yesɛan timber tban tansa ines ilaq ad taweḍ ɣer bab-is
Dda Ḥemmu: Teẓẓram d acu-tt?
Abusṭawi: d tabrat
Outamazirt
Yettkemmil…