D isalli qerrihen i d-yersen ɣef twacult tamaziɣt di Tubiret. Tamettant n Muxtar Zeddam teɣli-d am ssiɛqa, tessenhez taswin, teskew ifadden, tesgugem imawen.
D yiwen seg yiselmaden n tmaziɣt n Tubiret, ixeddem deg uɣerbaz amenzu di Raffour, taɣiwant n Yimceddalen. Yettwassen di yal tama, imi d yiwen seg wid iqedcen deg unnar n tutlayt tanaslit, iteddu, ur iɛeggu, yezga yeqqar : « Nek isem-iw Zeddam, ad zeddmeɣ alamma d-sɣerseɣ tamaziɣt seg yifassen n yicenga. » Muxtar, d win yessawalen ɣer tdukli, imi anda i d-yella ugraw yuɣ talemmast, anda yella lbatel ad d-yebded s uzday n lqedd, imi ur yelli seg wid yettkukrun neɣ wid yettagaden.
Deg uɣerbaz neɣ di lqahwa, yezga yettmeslay ɣef tmaziɣt d yiɣeblan i tettidir, meɛna leɛmer i t-yeffiɣ usirem, imi yezga yeqqar-d : « skud mazal nella, ur nberru i ttbel deg waman, ur nettak afus. » Ass-a, testeqsa-d ɣur-s tmettant, teɣqba-t si gar tarwa-s, tawacult-is tamezyant d tmeqrant. Iselmaden n tmaziɣt, ɣas ulamma yeɣli-d fell-asen udrar, maca, mi ara d-mmektin ayen akken iɣef iteddu Muxtar, ur fecclen ara, ad kemlen deg ubrid-is. Tajmilt ara s-nerr ass-a, d lɛehd ara s-nefk dakken ayen iɣef yedda ad as-nkemmel. Ttes di talwit ay ameɣras n tlelli.
S. M.