Deg uxxam Nna Feruǧa, Dihya, Dda Belqasem
Nna feruǧa ger lelwaḥ d imeṭṭi yettudum yeẓri-s.
Tameddit n wass Dihya tuɣal-d deg uɣerbaz, im id tewweḍ s axxam tufa-d liḥala d tasemmaṭ yemma-s teqqim ɣef wemnar afus ɣef lḥnk iẓri-s yettudum s akken i tesla i yelli-s teṣfeḍ imeṭṭawen, terra iman-is amzun kra ur yelli
Nna Feruǧa: Atan zik id tberneḍ ass-a
Dihya: Yal ass akka id tawḍeɣ (Dda Belqasem Yessawḍ-d)
Dda Belqasem: Kecmen-d i bezzugla-nni neɣ ala?
Nna Feruǧa: Terniḍ εad kečč testeqsayeḍ fell-asen, ḥemdu llah d irgazen i yellan
Dda Belqasem: Awi-d kra ukan,win zemmren iy-iman-is d aṭas.wamma nekk d kem fessus-it
Nna Feruǧa…
Dda Belqasem: tettɣileḍ nekk ssagreɣ irgazen, kerheɣ-ten. Anef meqqar ad ẓẓren amek i d yettas weɣrum
Dihya: Aniwa?
Nna Feruǧa: Susem kan susem tufiḍ-d tameɣra tefra
Dihya: D acu n tmeɣra? d acu i yeḍran ?
Dda Belqasem: anef-as ad tessefru ladɣa
ta! tissimɣur tilufa
Nna Feruǧa: Ssimɣureɣ tilufa a…iban aniwa i
Yexlan axxam
Dihya: (texleε) Ihi ruḥen! Yiwen ur d yegri!
Dda Bqasem: A wida rrwaḥ-nnsen yif tiɣimit-nnsen
Nna Feruǧa: ala rwaḥ i tessneḍ erwaḥ, erwaḥ…ad iyi ssufeɣ Rebbi rruḥ anida telliḍ
Dda Belqasem: Ula d kem ernu-kem ɣer-sen. Anita εni i d yemmat-nnsen, deg-m i d cettlen
Nna feruǧa: Aniwa i d babat-nnsen deg-k id cban
Dda Belqasem: Ih! Limer deg-i i d ban… maca qqaren i d icebbun di baba-s ala ṭikkuk di lexla
Tamdint
Dda Belqasem, Rabaḥ
Tamacint tewweḍ ɣer lagar muḥend ires, idrimen ulac, tamdint ur tt-yessin a la yeddawar tazniqt tettak-it i tayeḍ.
skud talast(ṭlam) tɣelli-d abrid i xellu tiɣmert yeqsed ad yedduri a tt-yufa tettwaṭṭef.itezzi akken i tezzi uxemmem deg uqerruy-is yettmeyiz deg-wayen yettwali.yuf-ad mačči ala netta i yḍaεen ,i yeṭṭef yiḍ di berrra s akken iεedda ad i kessel di yiwet n teɣmert yesala iw usiwel
* Aww balak tḥeṭ lkarṭun dyal-k
Muḥend : Semmeḥ-iyi
• : εend-k gerru wella cemma ?
Muḥend : Ma εendic
Muḥend ibeddel tiɣmert yess-ad akertun ad igen, akaba-s yessumet it, llaẓ, εeyyu iban-d fella-s yugi at id i res yiḍes yettnaɣ d yiman-is yettmeyiz kra kan i wala yiwen ad i teddu srid alam id yewweḍ ɣur-s iqeεde-d iman-is
Rabaḥ: (acamar lqec yellufḍa isebbaḍen qersen ad as t-iniḍ d aderwic)
Rabaḥ: Ihuh ihuh ula di berra ur aɣ-d-iṣaḥ wemkan, id yeggran ad ttqesdeḍ yiwen ad ak
yessens, nεel bu n tudert am ta
Muḥend: Yessusem kan
Rabaḥ: Wa a Muḥ
Muḥend: I nekk imi d tessawaleḍ?
Rabaḥ: Waqila ala d isin yidneɣ i ynella
Muḥend: Itan di sin dacu i tebɣiḍ?
Rabaḥ: S talwit kan,s talwit
Muḥend: S talwit neɣ…d acu?
Rabaḥ: Bɣiɣ iyi-d-tefkeḍ gerru ma yella
Muḥend: D acu i tettkeyifeḍ?
Rabaḥ: Awi-d kan ayen yellan, i aεeṭṭar d webran n
Claɣem
Muḥend: D igirru kan i k ixussen? axx
Rabaḥ: Ernuyi-d ad ssiɣeɣ
Muḥend: Atan diɣ akeyef tettkeyifeḍ ẓẓalamiṭ ulac
Rabaḥ: Ih! aḥlil win yeẓran aḥlil win ur neẓri, mačči daya kan iyi uklaleɣ (iger-d nnehta)
Muḥend: Aqelaɣ akk kif-kif
Rabaḥ: D ameslay kan wamma nekk tiyita-w iman-is
Muḥend: Qim qim ulac fell-as meqqar ad nemwanas
(yeqqim Rabaḥ)
Rabaḥ: Ih, meqqar ad nemwanas
Muḥend: Amek ihi?
Rabaḥ: Aqela-k tettwaliḍ neɣ tenwiḍ ad ag-d-iniɣ Saba
Muḥend: Saba atan deg umkan-is ɣas tennit-id, ur zmireɣ ad ak sneqqseɣ neɣ ad ak zeggdeɣ
Rabaḥ: Ddaqes-ik aziɣ tewwiḍ-d iman-ik
Muḥend: Ahbuh, ma wwiɣ-d iman-iw. Akka id ttawin iman-nsen ɣur-k ?
Rabaḥ: Menyif ulac wala ad-iyi-reggmen warrac
Muḥend: Atan diɣ ad ak reggmen warrac! Amek ak ka ara k regmen warrac?
Rabaḥ: (yeger-d nnehta) ayen yevranyidi… (Tasusmi)
Muḥend: D acu i yevran?
Rabaḥ: Ad ak d ḥkuɣ. Assen i nella d imecṭaḥ nerwa turart d unecraḥ, texlev tyri d nniya, nntemwali am watmaten am wid yemεahaden ur mmsebdan, ur yezmir yiwen ad aten-yebḍu alama tefna ddunit
Muḥend: D fella-s yrεfu Rebbi temmut?
Rabaḥ: Limer d lmut ad-as geɣ i wul-w tilas, akken bɣuɣ ḥezneɣ yiwen wass kan ad d ṣebreɣ fell-as (yekcem deg usmekti)
D Tibḥirt
Rabaḥ, Zeǧǧiga
Rabaḥ: (yessawal s ukukru) Wa zeǧǧiga, wa zeǧǧiga
Zeǧǧiga: (teṭṭal teduqqes) Ah (tebra i lmerc deg ufus-is tuzzel ɣer ɣur-s)
Rabaḥ: Ma wer kem-id εniɣ ara nekk wissen aniwa ara kem-id-yeεnun
Zeǧǧiga: Ula d nekk ẓriɣ, yiwen ur yezmir ad i
εemmed iman-is, ad yeεfes ẓẓerb-nneɣ ala kečč
Rabaḥ: Ah a zeǧǧiga! d acu ara yqerreε ẓẓerb, limer ad ak-msersen deg uqemmuc n yizem fell-am ad nεemdeɣ iman-iw
Zeǧǧiga: Limer deg ufus-iw aḥezzeb yugar ẓẓerb
Rabaḥ : D acu-t ihi ?
Zeǧǧiga : Ur d iyi-ttlummu y ara mačči d uksaneɣ, limer d lebɣi-w … ur d iyi-ttlumu y ara
Rabaḥ: (yewhem) D acu i yeḍran?
Zeǧǧiga : (tessusem)
Rabaḥ : D acu ?
Zeǧǧiga: (tugad ad as d ini) Mačči d ayen ara g-d-iniɣ suref-iyi nekk ad ruḥeɣ a laḥal ad yaweḍ baba d i ssuq tewwi-yi-d ad iyi-d yaf deg uxxam
Muḥend: A deqqes-ik! a ziɣ teddreḍ!
Rabaḥ: Ah ddreɣ (yssenhez aqerru-s) limer ur d iyi-d-teǧǧi-yara ccama
Muḥend: Isyin akkin?
Rabaḥ: Qqaren tirga mxalfa, ddunit isem-is ddunit ɣur-k ad tɣileḍ d akellex
Muḥend: Ddunit d ddunit kan ur telli d ayen nniḍen
Rabaḥ: Ddunit n iḥeqqaren d iɣeddaren
Muḥend: Ad ag-d-yefk Rebbi ṣber, ih! ar tura ur d t-niḍ ara ula d isem-ik
Rabaḥ: D ayen, kečč mačči akka id iyi-tenwiḍ nekk diɣen mačči akka i k nwiɣ! ih sanisa yudaf ssexlaεeɣ
Muḥend: D tidet tazwara nnwiɣ-k d aderwic
Rabaḥ: Taqsiṭ-iw tesliḍ-as. akka wala ugar. Anef ad iyi-d walin hebleɣ, εemdeɣ ad iyi-d walin selbeɣ wala ma ddreɣ s wesmeglez n wallen iwayen i deg-i i d tturebbaɣ, ad ttwaliɣ ɣer wiyaḍ, ṣbeḥ meddi ad atẓerreɣ, ur zzmireɣ ara ad t-id-mmagreɣ. Menyif-iyi akka nnfiɣ-d iman-iw, akken ad ttuɣ, ula d nekk amur-iw ahat yella
iqezzel-iyi ccer ad εeddi akin ma yella kra ara d -afeɣ.
Akli outamazirt