Lwilaya n Tizi wezzu s umata tettidir deg yiwet tugnit ur neweneɛ ara deg weḥric n tezedeg n tewenaṭ iluɣen ama deg tudrin ama deg temdinin. Ma yella deg tudrin llan tawilat n wermad n iḍuman, deg temdinin ur yelli ttawil niḍen ala srabes n usizdeg n teɣiwant. D aɣbel-a n wejmaɛ n yiḍuman i iceɣben lɛamma deg temdint n Tizi wezzu, ladɣa tamdint Tamaynut, acku nnig n snat n smanat aya ur d-yelli werfad n yiḍuman. Aya d ayen yeǧan tawenaṭ ad tluɣ mačči d kra. Iberdan d wid iɛemren s yiḍuman deg yal tama u lerwayeḥ n dir mačči d kra … Ula deg tama n tmezduɣin ama d 2000 neɣ d 600 , 450 ixxamen EPLF d tamiwin niḍen, liḥala d yiwet-is ! Imezdaɣ ur ẓrin anti tama ɣur ara zzin, uɣalen sserɣayen iḍuman ɣas akken takken-d lerwayeḥ n dir d duxxan s wazal n tesɛtin, acku ulac tifrat niḍen. Ad ner tamawt belli segmi teḥbes tkubanit Carum leqdic ines deg tamma-a n temdint seg nnig useggas aya, tella-d tikci n leqdic-a i yiwet n tkubbanit n tmurt n Franṣa i wumi qqaren Nicolin.Niqal ad tebdu tkebbanit-a leqdic-iq deg waggur n meɣres yezrin, maca aya d ayen ur d-nelli s sebba n isuḍaf n tmurt-nneɣ iseduyen aḥric n tkubbaniyin n lbarani. Seg wass-nni ar ass-a ur d-telli tifrat.
Dalila I.