Akken kan i d-jban yigerfan d uṣubbu n tseddarin n lḥamu bdan yimdanen ttazzalen anda ara yafen lgaz n tqerɛet. Ayen yeswehmen ugar imdanen d lixsas n ttawil-a n lḥamu di temnaḍt-a n Bechloul. Kra n yimdanen i d-nemmuger ikcem-iten lɣiḍ d uɣilif amek ara teḍru yid-sen limer ad d-uɣalen wussan n tegrest yezrin. « D lewhayem ! akken kan i d-yebda cwiṭ n usemmiḍ, yenneqfar fell-aɣ lgaz. Aqli uɣaleɣ-d seg Tezmalt rnu ur iyi-d-tṣaḥ ara tqerɛet. Amek ara teḍru yid-neɣ di yennayer ? » I aɣ-d-yenna yiwen seg yimezdaɣ n temnaḍt-a. Iwulem ad d-nini dakken ula d lqella n wid yesnuzuyen lgaz n tqerɛet di temnaḍt-a yezga-d d aɛewwiq ɣef yimezdaɣ i yettruḥun alamma d tiɣiwanin nniḍen.
S. M.