Tiddukla n yimeεdar d yemdukkal-nsen n dayra n Wizgan, sudsen-d iḍelli yiwet n tmeγra s wazal-is. D tajmilt i yuγalen i yimeεder ilmend n wass agreγlan n yimeεdar i d-yettuγalen yal ass n 03 dujambir n yal seggas. Leqdic-agi, yesduri-t-id wexxam n yedles ferrat Remḍan n tγiwant n Wizgan, anda iḥedren 120 n yimeεder i d-yussan di 04 n tγiwanin, Wizgan, Illoula Oumalou, At-Kikki d At-Yeğar, akken daγen i d-ussan deqs n yemdanen i temnaḍin yemgaraden. Akken ḥedren daγen 03 n yiselwayen imaynuten n 03 n tγiwanin yetabaεen dayra n Wizgan, Wigi d mass Mourad Bessaḥa, aselway n tγiwant n Wizgan, mass Yazid Belkalem, aselway n tγiwant n Illoula Oumalou akk d mass Beli Azouaou, aselway n tγiwant n At-Yeğğar akk d tεeggalt n tmahla n lumur n tmetti n lwilaya n Tizi-Wezzu. Ahil i d-ittewheggan damarkanti, anda i tella temzikent n leqdic ufus i xedmen imeεdar n uγarbaz n yimeεder n temnaḍt-agi n Wizgan. Syen yella-d yiwen usarag i d-ffkan imejayen n tnefsit d wid n laεqel,ger-assen mass Boudaren, γef izarfan n yimeεdar d tuseḥbiber fell-asen, akken daγen i d-llan isteqsiyen sγur umawlan n yimeεdar γef ugguren d iεewiqen i d-taffen yal ass d waraw-nsen, syen tella-d tririt γef isteqsiyen-agi merra, anda i d-ffkan imejjayen-agi iwellihen iwulmen. Γef t 12 uzal tella-d tanalt ger imaεdar, imawlan-nsen d wid akk i d-yusan γer tmeγra-agi. Ma yella d tamedit n wass tella-d tikci n lemεawnat γef 120 n yimeεdar i yettikin di tdukla-agi. Tagara tekfa s yiwet n tmeγra n cna anda imeεdar-agi farḥen aṭas sleqdic-agi i d-ittewheggan γef dema -nsen.
Islam Bessaci