D yiwen wahil s wazal-is i d-ihegga uxxam n umezgun Kateb Yacien n Tizi Wezzu ilmend i wussan n imuras-agi ideg nella. S wakka arac n leqraya i wumi ur tettunef ara tegnit ad sɛeddin ussan imuras-nsen anda niḍen, zemren ad ruḥen ad nezhen i teẓuri tis 4, imi ahil n tecequffin umezggun n warac d win ara sen-yefken tagnit ad nezhen, ad necraḥen u ad lemden t. Ahil-a yebda ddurt yezin s yiwet n tmeɣra meqqren i d-hegga tiduklla tadelsant “Ǧussur” n Lezzayer tamanaɣt, anida yella yiwen Wazgaz Meqren neɣ l’Homme Géant i-d yurar unaẓur Sliman Ḥerru, netta d les clowns i d-yeddan yides. Am akken i d-tella deg wexxam n umezggun Kateb Yacine yiwet n tcequft i wumi qqaren “Cenna n leḍyur”. Am akken daɣen i d-uraren warrac n tdukla tadelsant “Al Basma” n Skikda” yiwet n tceqquft i wumi semnan “Amaḍal Azgzaw” neɣ « le monde bleu ». Ma d tiduklla tadlesant “Nass Al Masraḥ” n Xencella, nitni uraren-d “ madinat Al Alwan”. Si tama niḍen yella-d yiwen n leqdic niḍen n yiwet n terbaɛt n uɣerbaz Ben Caqul n Tedmait “ Ghano Angel Coopérative” , akked win n Tdukla tadelsant “Grain Magique “ i-d yesudssen yiwen n leqdic i wumi qaren « Kan ya makan ». Deg umallas wis ssin n imuras yetturajju ad yilli ,leqdic niḍen, am yiwen usarag ɣef umezggun ɣer warac imeẓyanen, ma d taggar n wahil-a ad tili s tecquft « la gazelle aux cornes magique ».
D.I