Yetturagu, deg ussan i d-iteddun ad telli lbusṭa I itabaɛen taddart n At ɛebbas, I d yezgan di tmazyya n at wassif I ibaɛden ɣef tizi uzu s wazal n 38 n yikilumitren, isali-yagi yettunefk-d imi qrib ad faken leccɣal n ureqqaɛ d useqɛed s id-yesefaydi umkan –agi I yellan yemdel aṭas n iseggasen-aya s-ssebat yemxallafen, gar-asent , tella sseba tamezwarut yerzan liḥala n laman ur nelhi ara di tamat –agi, arnu ɣer-s liḥala n lbusta s timad-is I illan xussen-t waṭas n walallen , ama d ayen yerzan iɣeraben-is d ssqef-is I isehlen I uftak, d ayen I yettaǧan tikkerḍa ad tezad ɣef tneggarut-agi yal mi ara tt-id-kecmen yedrimen , ɣef wanct-a I d-yussa lamer n umdal ines s-ɣur yemḍebbren teɛna temsalt, maca aya yegla-d s leḥif d ameqqran I yemezdaɣ n at ɛebbas I yettnadin di yal tikkelt ansi ara d-jebden idrimen-nsen, ayen I ten-yeǧǧan ad d- ṣubben ɣer teɣiwant n At wassif akken ad d-qḍun ccɣel-nsen. Ɣef akken iɣ-d-sawḍen wid teɛna temsalt, leḥif d leɛtab s -icetkayen wid meôôa izedɣen di taddart n At ɛebbas ur yettɛeṭil ara ad ifak mi ara d-tuɣal lbusta- yagi ɣer lxudma n kul ass s-it-ttwasen, ass-n ad tenfsusi teɛkumet fell-asen. S sseba n liḥala n laman ur nelhi ara I tedder tmurt n leqbayel deg seggasen yezrin imḍebbren teɛna temsalt fekan-d leḥsab n wazal n 14 n lbustat I mazal ar ass-a medlent di lwilaya n tizi uzu.
Malika qbayli