Yekfa leḥif n tazzla ɣef teqraɛtin n legaz deg waṭas n tudrin yettwacudden ɣer lwilaya n Tizi uzu, di taggara n useggas yezrin 2012, anda ssawḍen yemdebbren teɛna temsalt ad awin asafar n legaz n temdint ɣer teɣiwanin yemxalafen i iqarben ɣer wedrar n ǧerǧer ɛlayen yettwassnen s wedfel-ines ɣef teɣzi n wussan n lexrif d ccetwa, gar teɣiwanin-agi ad d-nebder, taɣiwant n Wegni n Yeɣran i itabaɛen tamazya n Iwaḍiyen i ibaɛden ɣef Tizi Uzu s wazal n 30 n yikilumitren, sefaydin-d deg-s wazal n 1009n yexxamen, icemlen azal n 6045n yimezdaɣ n teɣiwant-agi, imi ineggura-agi rwan lemḥayen di ccetwa-nni yezrin anda ur ufin ula d taqerɛet n legaz ad d-tekkes fell-asen asemmiḍ qessiḥen s sseba n wedfel isudden tiwwura i wazal n snat ledwar, leḥif-nni iɛeddan yeǧǧa-d deg mezdaɣ n temnaḍt-agi ccama d tameqqrant,d tin i ten- yessawḍen ad azlen ɣer imḍebbren teɛna temsalt iwakken ad ḍelben aseɛjel n lecɣal n usenfar n legaz n temdint uqbel cctwa-agi deg waydeg nella asirem imezdaɣ yella-d u legaz n temdint yewweḍ s ixxamen , ula d taɣiwant n Umecras i itabaɛen tamazya n Buɣni, i ibaɛeden ɣef lwilaya n Tizi Uzu s wazal n 45n yikilumitren si lejiha-is tesfaydid s uenfar n legaz n temdint di taggara n useggas yezrin 2012 , anda ssawḍent 850n twaculin ad medlent tawwurt n leḥif i izdlen fell-asent laɛwam iɛeddan, asenfar usiweḍ n legaz n temdint ɣer teɣiwanin d tudrin yemgaraden i icudden ɣer lwilaya n tizi uzu mazal yettkemil , imi yetturagu deg wagguren imezwura n useggas-agi amaynut2013 ad yecɛel legaz n temdint deg watas n yexxamen di temnaḍin yemxalafen yettabaɛen Tizi Uzu am teɣiwant n Tedmait anda teddun lecɣal usiweḍ n legaz di tudrin n lejiha-agi akken iwata, imi ulac ar tura kera n uɛewwiq i d-yellan, i uneḥbus u senfar-agi ɣef i tenadin imezdaɣ di yal tama n lwilaya iwakken ad tixfif taɛkemt fell-asen, si lejiha, ad tefak daɣen tazzla deffir teqarɛet n legaz si lejiha nniḍen.
Malika Qbayli