Asfuggel n wass amezwaru n yennayer n yimaziγen yettili-d am yal tikkelt deg tesdawit n Lmulud At Mεemmer, s-γur “agezdu n tutlayt d yidles amaziγ”. Asfuggel-agi yella-d s wussan idelsanen seg 7 armi d 10 deg waggur –agi .
Ahil yebda s wawal n yiεeggalen n le comité n yinelmaden, syin tebda temsikent n yidlisen n yal taγult i yeddan deg teγzi n wussan-agi. Rnu γur-s lbiε s ubuddu s-γur Muhand ARKAT i ungal-is “abrid n tala”.
Ahil ikemmel s usarag i d-yewwi Mass Abedennur Abdeslam s uzwel » tazγent tamaziγt 1949 « . Ass wis sin yella-d uskan n usaru « ur kkat a gma inetteḍ » i d-yesuffeγ. Ma d ass wis tlata, tella-d tceqquft n umezgun « yenna-yi jeddi » i d-turaren tarbaεt « Macahu ». Ass aneggaru tella-d temsizwert n seksu gar tnelmadin n ugezdu, dγa d tid n useggas wis tlata i d-yufraren.
Akka, ihi, s ufraq n warrazen I d-wwḍen wussan idelsanen γer taggara nsen .
Di taggara tanemmirt tameqqrant i wid akk I d-iheggan leqdic-a aseggas ameggaz i yal amaziγ anda yella.
D.said lhadj