Ilmend n tmeγra n yennayer, aseggas amaynut n yimaziγen 2963, aṭas n tmeγriwin i d-ittewhegan γef demma di deqs n temnaḍin n tmazγa.
Dγa tidukla tadelsant Alma n taddert n Yigersafen n tγiwant n At-yeğğar tsudes-d yiwen n leqdic s wazal-is s yiwen n wahil d amarkati, ideg llant temzikniyin yegaraden n tqendyar leqbayel, ṭṭebqat n wučči i tt-gen imaziγen-nneγ γef demma n yennayer, tiγawsiwin tiqburin, idlisen d ttsawaṛ d waṭas niḍen.
Akken daγen i d-yella yiwen usarag s usentel » Yennayer », i d-wwin ssin imusnawen isdawiyen, wigi d mass Zindin Kacimi akk d mass Moqran Taguemount, syen tella-d lweεda meqran « imekli n yennayer ».
Syen jarden deg ahil-nsen yiwet n tmeγra n zwağğ aqbur γef iεudiwen, anda imezdaγ n taddert-agi igersafen ad-ddun merra d iqeffafen akk d tarbaεt n yiḍebbalen γer wemḍiq iwmi qqaren Alma, anda ara d-sudsen tameγra γef demma n yennayer.
Γer tagara ad yilli usenεet n waddal n yimenγi n waḥric n Karaté syen ad-ffken arazen d igardasen usebγes i warac id-yufraren di temzizla yemgaraden n wadal deg ussan-nni imuras yezrin.
Islam Bessaci