Taɣiwant n Mizrana i d-yezgan deg ugafa n lwilaya n Tizi Wezzu tettidir lexṣaṣ meqqren deg yeḥricen yemxallafen. Taɣiwant-a deg llant 17 n tudrin ideg ttidiren 10 000 n yemdanen tetwwasen s teẓgi meqqren i yeṭṭfen 70% n wakal n tɣiwant. Tiẓgi-a i ilaqen ad tilli d yiwen n tawil n unegmu tuɣal amzun d daɛwessu imi ur d-segli ala s tugdi d rebrab deg 10 n yiseggasen iberkanen i tedder tmurt neɣ. Liḥlla-a n war laman d tin yeǧan tlata n lbusṭat ad medlent tiwwura-nsent ar ass-a. Aya deg lawan taɣiwant ur yelli deg-s sebiṭar, wala tasnawit. Rnu ɣur-s lexṣaṣ n waman d lgaz. Ula d ibardan ur wenɛen ara, ayen yeǧan ula d tawilat n usiweḍ ad xaṣen u imezdaɣ d wid yeččetkin s lexṣaṣ yelan deg yal aḥric ladɣa lxdema. Ɣas ass-a taɣiwant tettaɛraḍ ad terfed aqerru-s deg iseggasen ineggura deg I d-yuɣal laman, maca lexṣaṣ d win meqqren, iɣleb imcarig tafawet, acu ara d-xedmen iftaten i win yelẓan. Tadrimt n teɣiwant ur neteɛddi ara 300 imelyunen n sentim ur d-ttqaden i kra. Imeḍberen n tɣiwant d wid ig zewaren s weḥric n usufeɣ n waman ur nezdig ara iwumi ifekkan leqidar n 125 imelyunen n sentime, am akken heggan 80 imelyunen ilemend n uɛwed n teyuwat n waman yenṭaren maççi d kera. Ma d 50 imelyunen i-d yegran ad yilli useqdec nesen deg isenfaren n teristi n iberdan d wefraḍ d uɛwed n teliwan n tudrin.
D. I .