Sdat n leɛdil yellan deg usenfar n 100 n tmezduɣin LPA i d-yezgen deg tɣiwant n DRAA BEN KHEḌDA , ibeɛden s wazal n 11 n yikilumitren ɣef tlemmast n temdint n Tizi Uzzu , tinezduɣin – agi yettwabnan i lfayda n yineɣmasen d yimcegɛen n tɣamsa n Tizi Uzzu, Tiddukkla i iheddren s yisem n yineɣmasen (AJCTO), yerkb-itt lɣiḍ meqqren ɣef wanect-a. Tinezduɣin-agi yettuɛeggnen ad ttunefkent i yimawlan-nsent deg taggara n useggas ideg i nella, mazal ad iḍul ufraq-nsent s sebba n ustahzi d leɛḍil yellan deg usefar agi, ɣas ma Tiddukkla la tqeddec aṭas i uselḥu n lecɣal n usenfar – agi. Maca aɣbel n lexsas n tedrimti iḥuzan akk iḥricen n baylek i iɛggben aṭas n yisenfar deg tmurt n Lezzayer, iḥuza ula a aḥric-agi n tnezduɣin. Tenced ddukla-a aṭas n tikal srabes i d-yelhan s t,ezduɣin ( OPGI) i tifrat n uɣbel agi. Deg wagguren iɛeddan, iwekked-asen-ds unemhal i d-yelhan s tnezduɣin s tifrat n leɛḍi-agi, rnu ɣef kekku n usenfar deg lawan-is, maca aya, ur d-yelli ara ar ass-a. Seld anejmuɛ ixedmen iɛeggalen n Tiddukkla deg Uxxam n yidles Mouloud Mammeri, deg 6 n Tuber, anda i d-beggnen yir taswiɛt ideg lant tnezduɣin-nsen u alaḥsab n yiɛeggalen n tddukla-agi, aṭas n lexsas i yellan deg usenfar-agi, ama dayen yeɛnan taɣara n lxedma, ama dayen yeɛnan amḍan n yixeddamen , imi deg tirza -nsen ɣer usenfar, ur ufin ara ala sin n yixeddamen deg usenfar n 100 n tnezduɣin. Rnu ɣef waya, lejmaɛ i texdem tddukla d lwali n Tizi Uzzu deg waggur n yebrir iɛeddan, anda lwali iweɛɛed s tifrat n uɣbel-agi. Seld tiɛuzzegt n srabes teɛna temsalt ɣef ukemmel n usenfar-agi, iɛeggalen n tddukla, ɛezmen ad beddlen udem n ucetki-nsen, anda ara smarsen lḥars ameqqran ɣef srabes n tnezduɣin, ladɣa seld lexlas-nsen n tedrimt i iwulmen i tnezduɣin-agi. « Deg temlilit-nneɣ d win ittukelfen s lebni n tnezduɣin-agi, iwekked-aɣ-d s uɣbel n tedrimt ur as-d-yettunefken ara seg srabes n tnezduɣin akken ad ikemmel asenfar-agi. Ula d netta, yeɛzem ad t-yeḥbes ulac tadrimt », i d-yenna yiwen uneɣmas.
Ali zalouk