Tiddukla n uḥareb d useḥbiber γef twennaḍt » Eco-Nature » n temnaḍt n Wizgan, s lemεawna n uxxam n yilmeẓyen Cellaḥ Muḥend n tγiwant n Wizgan, sudsen-d tannant γef amek ara d-yilli uselḥu iḍuman « Gestion des déchets ». Leqdic yebda s wudem unṣib ass n ssebt yezrin, 26 yennayer 2013, anda i d-heggan yiwen n wahil d amarkanti. Leqdic-agi yettuγal-d yal ass n ssebt s teγzi n 06 n wagguren, anda timsirin yettak-itent-id yiwen uselmad asdawan i ittewxeṣen deg uḥric-agi n twennaḍt mass Areẓqi Hamoum, anda i d-ussan nnig n 35 n yimdanen di 04 n tγiwanin i tesεa Dayra n Wizgan. Iswi n leqdic-agi, d aheggi d uselḥu lufaq i ittwestenyan deg taggara n useggas yezrin 2012, gar yimḍebren n tγiwant n Wizgan d wid n tγiwant n Aubervillier n tmurt n Fransa γef uqqerru-s mass Jacques SALVATOR
Islam Bessaci