Ttidiren yimezdaɣ n Sidi Ahmed t-4 s yiɣeblan d wugguren, imi ar assa lḥuma-ayi ur tesɛi lgaz. Ayen i ten-yeǧǧan ttwawin-d asafar-ayi s tḥunna neɣ seg wid yeznuzuyen tiqerɛatin n lgaz di tkamyunin. Asiweḍ n tqerɛatin-a ar yixxamen-nsen, yesseglay-d s leɛteb anect-ial-t, yessutur deg-sen ljehd ameqqran acku timezduɣin n Sidi Ahmed zgant-d di lbaṭimat. Rnu ɣef waya, tafat di lḥuma ur telli. Deg tlemmast n temdint n Bgayet, lḥuma bla trisiti, dayen yessewhamen! Dayen i yeǧǧan yal taluft n diri tennejmaɛ-d ɣer din am taluft n war laman i tyettaǧǧa imezdaɣ ttwaḥersen s unekcum ɣer yixxamen-nsen zik i tafat n wass.
Tilufa ur kfint ara rnu-asent abrid ur nseggem ara seg walluḍ deg wussan n lehwa. Suturen imezdaɣ n Sidi Ahmed t-4 tifrat s lɛajlan i tlufa-ayi i ttidiren.
Djouher Chili