Yessaram Mass Mohamed Laroug d yimdukal-is n l’AMCB ad d-rren yimezdaɣ n temdint n Bgayet, kter n yiseggasen iɛeddan i tiɣri ɣef “Tasebḥit bla ṭumubilat” ara yilin ass amezwaru n magu i d-teddun.
Tiɣri-ayi yellan seg useggas n 2007 yugi lwali aqdim, Mass Rachid Fatmi, ad as-yefk azal. Aseggas-a, yella usirem imi lwali, Mass Ali Bedrici, yefka tamezzuɣt i taluft yecban tid yettḥadaren ɣef twennaḍt akken i yuɣ tanumi yessal i yimezdaɣ n Bgayet.
Tasebḥit-ayi bla ṭumubilat tesɛa iswi ɣef ugama d tezdg n lhawa ayen i yettḥadaren ɣef tazmert n umdan d yiɣersiwen d ugama. Mass Mohamed Laroug yebɣa ad isuter i lwali n Bgayet, Mass Ali Bedrici akken ad yeɣleq abrid n uɛemriw akked win n tlelli (Rue de la Liberté) ass n umenzu n magu ara d-yeɣlin ass ljemɛa i d-iteddun alama d ttnac n wass.
Amastan.S