Ussan-a, qesden-aɣ-d kra n yimezdaɣ n tɣiwant n Leɛǧiba iwakken ad d-ssurgen urrif-nsen iwumi ur ufin ara tifrat. Wagi, d yiwen n lḥess i sen-yessefraɣen iḍes yal mi ara tɛeddi tkerrust neɣ akamyun deg ubrid-nni amaynut n ubeddel n ubrid ameqran yesdukklen amalu d usammar. Ɣef leḥsab n yimeslayen nsen, abrid-a yeldin di taggara n useggas yesɛa di kra n yimukan tiwṣilin n wuzzal. Yal mi ara iɛeddi fell-asent ukamyun neɣ takerrust ad d-rrent ṣṣut. Deg yiḍ,; mi ara d-ters tsusmi, lḥess-a yettzad, almi yessefraɣ iḍes i wid izedɣen tama n ubrid-a. Nna-d d akken ayen akka yettwaxedmen ur yelli s wudem unṣib, maca raǧu n ubeddel-is iḍul. Yiwen seg-sen, yedda almi i d-yenna: » Amer ahat wid teɛna temsalt ttrajun alamma neqfel abrid-a ara d-rren ddehn-nsen ɣer lḥif ideg nettidir. «
D tiɣri i d-gren yimdanen-a iwakken ad idiren am nutni am wiyaḍ,; ur asen-yettuɣal ara yiḍ d acengu.
M. Smail