Deg yiwen n wulɣu i d-tessufeɣ tesqamut i yettmeslayen s yisem n yimezdaɣ n Tala Athmane, anda i teṭṭaleb deg-sen ad ruḥen ad ḥedren i unejmuε zdat n tmehla n ttawil n usiweḍ di Tizi Wezzu akken ad beggnen urrif-nsen ɣef zzyada n 5 n yidinaren i d-yellan di summa n yifurguyen i yettawin si taddart-a ɣer Tizi Uzzu – si 25DA ar 30DA –, tasqamut-a teqqar i yimezdaɣ akken ad xelsen kan am zik 25DA. Si tama n yimenharen, nutni qqaren-d zzyada-a tella-d acku terna zzit n ṭunubil, xesren iberdan akked uεeṭṭel i yettilin deg umecwar; « zik nxeddem 25 n ddqayeq ad naweḍ,; tura qrib ssaεa i nettɣimi de ubrid, yiwen meεḍur, wayeḍ d lḥeqq-is » i d-yenna win yettmeslayen s yisem-nsen.
Ilaq ad neḥsu d tikelt tis snat i d-kkren yimezdaɣ-agi mgal ttawilat n usiweḍ deg waggur-agi; tikelt tamezwarut ɣef lexsas yettilin ssbeḥ akked tmeddit. « Ma teṭṭef-ik lxemsa di Tizi Ouzou, xas ruḥ ad d-tekruḍ aṭaksi, yiwen n ufurgu ur t-tettafeḍ. Yal yiwen anda ara yeg aqerru-s, ad ğğen arrac n lakul akken ad ttmenḍaren dinna » i d-yenna Achour. « Mi truḥ yiwet ad d-tas tayeḍ: tṣub lbaṭaṭa, ad yali ufurgu » ikemmel yenna.
Lhocine Ourezki