Anekruf: Mačči d kečc ara d yerren ttar, anef-as ayen texdem ad taf, am ass-a ad temlil d wayen d i txeddem, ass-n ad txelles lexlas n tuccent. Tin yernan ɣur-s mačči d kečč i d juj (anefray)
Anekruf: Juj ur yettfiq ara i nbuc-is, ur yettaweḍ ara ad iwali tidet-is, ala nekk i tt-yesnen, ala nekk i as ifaqen, ala nekk i d yewwin s lexbar i tmenqas-is, ayen akk ara tt-id ibegnen ata ɣur-i, wamma wiyaḍ ad turar ad teffeɣ, acku d stut m lebhut
Amejjay: Wayi d axemmem ynek, d kečč i tt-yettwalin akka
Anekruf: ur d qqim ara deg xemmem, d ayen yellan
Amejjay: Tesliḍ-as i ubugatu ynes?
Anekruf: S liɣ-as akken iwata, d ayemi i d nniɣ akka
Amejjay: Lammer ik teḍlim ur cukkeɣ ara ad terzu ɣur-k, kečč akkiya s tmad-ik akka i d tenniḍ
Anekruf: ala k qqareɣ ulac win i as izemren, tus-ad akken kan ad tbeggen amakken acemma ur yelli, ad tesmsawi ayen i d yeqqimen, wa ad tesfeḍ ameslay deg yilesawen n wid ara as yinin “ihuh argaz-as ad yemmet, ur tezmir ara ad truḥ ad t-id wali?!” ɣaf waya i d tusa wamma mačči d nekk i tt-iɣaḍen
Amejjay: Anef-as ad tessebgen, anef ad tt-id ẓren medden
Anekruf: Tessen amek i tettkellix, mačči d tikelt tamenzut i texdem akka, ula d argaz-is amezwaru mačči akka i as tga, alammi i tegla s uqerruy-is, tessen-asen i yimeṭṭawen …akka ar texdem ula i nekk imi ara mteɣ
Amejjay: Akken tebɣu tili, ttxilek ur ….eğğ-itt, erra-yak yiwet n twaɣit
Anekruf: Tawɣit tamezwarut ɣef wudem-is, anef meqqar taneggarut-a i wudem-iw
Amejjay: Ttxilek ur semsax ara ifassen-ik, ur telliḍ ara deg qettalen, kečč d amejjay, d ragaz ifehmen yeɣran, ih akken “qqaren ad yili yiwen yelha ad tafeḍ idhem-it wayeḍ, ɣas ma yella kra i txedmeḍ, txdmet ilmend n talsa
Anekruf: (yettadṣa) ih! Tesmektaḍ-iyi-d ɣaf wudem n talsa, ḥnineɣ aṭas, ula d ayen i d tenniḍ yettwakkes-iyi. Tettuḍ d acu id nnan fell-i? win yenɣan mačči d aceffar a d argaz-is, d amejjay, telha tikli-s, ur tfaqeḍ ara i tkellax-nni? i win yettwanɣan ur yuklal ara, dya i d-iyi- swehmen din-a id faqeɣ bell-i tekreh argaz-is, tameṭṭut ara kerhen argaz-is ad as-d yettban d ilat (lweḥc), d ayemmi i d iyi-d beggen bell-i tḥemmel-iyi, imir faqeɣ-d ur d-iyi-tḥemmel ara, uɣaleɣ d arelluc deg ufus-is d ufus n n umeεcuq-is, ih! uraren yess-i almmi i d-iyi-tessaweḍ semḥesseɣ i tasa-w wwiγ tamgerṭ.
Amejjay: Maca ttuγaḍin ik tɣaḍ! imi tumneḍ s waya, acuγer ara tuɣaleḍ d wayeḍ ttxilek qim kan akka ḥnineḍ.
Anekruf: D ayen tura
Amejjay: D ayen! ur as txeddmeḍ kra?
Anekruf: Aha tura ruḥ eğğ-iyi
Amejjay: Cabek-iyi
Anekruf: Ur tufiḍ deg wacu ara k cabkeɣ
Amejjay: Ad t-txedmeḍ?
Anekruf: wa d cɣel-iw
Amejjay: I nekk
Anekruf: D acu i k id yegren ?
Amejjay: Amek tebɣiḍ ad ssusmeɣ, Degmi iẓriɣ d acu ara yeḍrun tura ?!
Anekruf: sell ur k ẓriɣ ur ak d-nniɣ, ettu ayen imi tesliḍ, lammer ur k umineɣ ara, ur ak d qqareɣ ara acemma, twalaḍ! yeqqim-d kan tura ad iyi-teffɣeḍ sya ternuḍ xemsa ɣef yimi daya.
Amejjay: yid-wen!?
Anekruf: Ih yid-neɣ, nekk akk d nettat di sin
Amejjay: I yiman-iw anida ara terreɣ, neɣ ad ula d netta tneṭleɣ yid-wen
Anekruf: Iman-ik! D acu i ak-d yeqqar yiman-ik? Ad truḥeḍ ad tessiwḍeḍ asali i akken ur d iḍerru ara wayen ara d yeḍrun ?
Amejjay: I waya ur d yewwi ara felli ad tgeɣ?
Anekruf: (yettxemmim) ahat …d azref-ik ad txemmeḍ kan ɣef yiman-ik ma d anezgum-iw ala nekk I yeyerza, mačči am nekk i yegren akken ad selkeɣ tameṭṭut di tballaɣt. aziɣen tḥemmleḍ iman-ik aṭas, azref ɣur-k d azref yekkaten ar tama-k,win ara k yesdarin, win ara k yerren d amzerfu ar yiman-ik, win ara k id begnen ar wiyaḍ, d tidet ad tεeğbeḍ i yiman-ik wa ad tεeğbeḍ i wiyaḍ, d ameggaz yiman-ik a mass! Iman-ik d azref-ik d yiman-ik….iman-ik! Maca sarameɣ ad tettuḍ iman-ik, d lwajeb-ik axxi tagnitt, wa ad terreḍ lmendad-ik ar wiyaḍ ad ak-d sutreɣ ad-iyi-teffɣeḍ sya d xemsa ɣef yimi ma yella wamek, tettuḍ ayen i ak d-nniɣ.ttxilek ddu-iyi di lebɣi, i nekk yellan d ameddakel-ik yettwarẓen, yettwasexnunsen, yettubehdlen …ur tufiḍ i as d yeqqimen azekka tafejrit ad tenγen
Amejjay: Ad susmeɣ
Anekruf: Ih susem… susem kan daya
Amejjay: Nekk…
Taḍatt si berra
Anekruf: ad taya…
Amejjay: d acu ara xedmeɣ?
Anekruf: dureqq, teğğeḍ-iyi nekk yid-s
Amejjay: (s rxifan) ihi atan wanisa kkiɣ
Tawwurt telli iban-d unemhal netta d yiwen yewwi-d yid-s tiwriqin
Amejjay: (iger-d nnehta) mačči d nettat
Anekruf: (s reffu) anida-tt ? anida-tt ?
Anemhal: newwi-ak-d asali yugaren ayen-nni s waṭas, d asali ara y beddlen tagnitt fella-k
Anekruf: Ad tbeddel fell-i?!
Anemhal: D ayen ara qerεen timenɣiwt-ik
Anekruf: Yak tenniḍ-iyi-d ulac taruẓi n creε!
Anemhal: Ta d tamsalt nniḍen, yella-d umaynut wammag axnaq-ik iban-d melmi, maca ur zmireɣ ara ad ak d ferheɣ melmi, u terna d ayen ara d yilin anect tebγu tekk-it i tura d ayen?!
Anekruf: Ula d nekk akka i d yezwar ɣar wul-iw
Anemhal: Ma yella tqebleḍ ayen ayen ara k d sutreɣ, timenɣiwt-ik ur d ttili ara
Ameḥbus: D acu?
Anemhal: D yiwet akken n tkebbanit n tussna i aɣ-d issutren akken yiwet n tɣawsa dɣa atan mass i d yusan ɣef yisem-is ak id yessefḥem.
Imwekkel: (yuẓa ar umeḥbus yettmuqul-it) maca tamsalt-a d tuffirt
Anemhal: aya ekkes anezgum*
Imwekkel: akka meqqar ad nruḥ srid i temsalt, nebɣa ad n serreḥ i tnaεurt ar tegnawt maca yessefk ad yili win ara tawi, tettwaheyya i tiwin n wemdan akken ad t-id njerreb,tura ma yella tqebleḍ, ayen i ak ḥekkmen ad d yeɣli
Ameḥbus: Dayen ad yeɣli akk!!?
Imwekkel: D ayen ibanen
Anekruf: Ima yella zziɣ-d ur mmuteɣ ara
Imwekkel: Ma yella tezziḍ-d ad tidireḍ d ilelli.
Anekruf: yella kra neṭmeε akken ad zziɣ?
Imwekkel: S tidet kan rqiq usirem
Anekruf: Acḥal akka?
Imwekkel: Yiwen ɣef twinest (100)
Anekruf: ma yella ugiɣ xusseɣ, axir n win yessaramen wala win igezmen liyas, yiwen wala ulac, neɣ ala?
Anemhal: D ayen ibanen
Anekruf: Qebleɣ
Anemhal: Imi tqebleḍ, stenyi aɣ-d da
Anekruf: S lebɣi d ameqran
Imwekkel: (irfed-d tiwriqin) ihi stenyi da
Anekruf: Bɣiɣ ad ak id steqsiɣ ma ulac fell-as, icimi d nekk i d tefernem?
Imwekkel: D taseqqamutt i tt-igezmen d ṛṛay, belli win ara n seddu ad yili d yiwen ɣef iḥekkmen s lmut, wammag aṭas n wid i d sebblen iman-nnsen akken ad d ruḥen
Anekruf: D ayen teffra
Imwekkel: ur nezmir ara ad nweddef yiwen kan akka ma wer yelli deg-wi i d ak-d nniɣ.
Anekruf: Γas ma yella, d netta i ken-d sutren?
Imwekkel: ulac takebbanit naγ tama deg udabu ara yesseflen kra n yiwen ar tmenγiwt n yiman-is
Anekruf: Win i d yunzen akka am nekk ulac fella-s trtaḥem!
Imwekkel: D ayen yellan
Anekruf: Ula d nekk akka meqqar ad irtiḥeɣ, imi sertaḥeɣ taɣdemt, tura d nnuba n tseqqamtt n tussna akk d tamiwin yetḍebbiren
Imwekkel: Ula d nekkni nefreḥ imi d nufa yiwen umssnaw akka am kečč, acku mačči d cɣel n ukellex, mačči εeddi kan ad tafeḍ win ar d yeffken liqin s ttawil n usiwel (war tellqa) akk iy imaṭṭafen akk d tiliẓri.
Anekruf: Atan ihi tufam-d win ɣef i tettnadim!
Imwekkel: Aya d zher n tussna
Anemhal: Ula d nekkni tekksem-aɣ-d deg yiwen uεewwiq anectilat, acku tufam aɣ-d nettxemmim aniwa i zemmren ad iqerreb ar gaz yunzen wa ad t yawi kken ad i ttwaεelleq
Amejjay: D tidet i d yenna
Anekruf: Tanemmirt
Anemhal: Stenyi ihi!
Imwekkel: (yeddemd tiwriqin nni yerna-dimru isers-iten ɣef ṭabla) stenyi da.
Anekruf: (yettestenyay) Menyif yiwen wala ulac!
Amejjay: ferḥeɣ-ak aṭas aṭas ɣef tudert-ik tmuddeḍ i tussna, tagara ad as tt-trehneḍ i talsa, ferḥeɣ ak aṭas aṭas
Akli Outamazirt