Adfel id-yeγlin s tuget dagi deg temnaḍt n Wizgan d in id-yegglan s deqs n yiεewiqen d yiγeblan sebba n wargal n yibardan. Dayen i idegren imawlan n yinelmaden n yeswiren yemgaraden di 04 n tγiwanin tesεa temnaḍt (dayra) n Wizgan, ger-asent ; Wizgan, At-yeğğar, At-zikki d yillulen umalu, akken ur-ttsarriḥen-ara i waraw-nsen γer yiγerbazen ad γṛen sebba n waeggal n waṭas n yibaedan icuden ger tudrin-agi d yiγerbazen yemgaraden, rnu tella tegdi γef ugeffur sawayes yezmer ad-yeglu wedfel-agi. Si tama niḍen, deqs n yixeddamen ur yeqsiden-ara imeḍqan uxeddim-nsen sebba n lexṣaṣ di ttawilat n usiweḍ. U ger n yibardan imeqranen iregglen ideflawen dagi ti temnaḍt n izgan, ad-nnaf abrid aγelnaw wis 26 icuden ger Tizi-Wezzu d Bgayet i iεeddan tama n yicellaḍen d Wizgan, abrid n lwilaya wis 251 icuden ger tγiwant n Wizgan d criεa u yessufuγ srid γer yefri uzellagen tawilayat Bgayet, abrid n lwilaya wis 09 icuden ger tγiwant n yillulen umalu d tizi icellaḍen. Ma yella d ibardan niḍen d wid yuεren i uεeddi sebba n wucuḍ yellan. Γef aya merra, imḍebren n 04 n tγiwanin yetabaεen Dayra n Wizgan ger-asent; Wzgan, At-zikki, At-yeğğar d Yillulen umalu, beggsen-d aken iwata lḥal, anda i sxedmen tazmart-nsen, allalen d ttawilat sεan i tuksa n wedfel.
Islam Bessaci