10 n yiseggasen-aya, seg (2003/2004), segmi yebda ubeddel d ‘’useqqεed’’ deg uselmed di tmurt n Lezzayer. Aseqqεed-agi yeεna s umata ahil n yal aswir. Mebεed imi abeddel-agi ur d-yegli ara s yiswiren i ttrağun yemḍebbren akked ucetki i d-yellan seg yal tama : iselmaden, imawlan n yinelmaden akked yimḍebbren s timmad-nsen, ass-a, yers-d s annar umeslay γef uγarbaz azzayri. Deg ussan-agi ineggura, dγa, i d-yuzen uneγlaf n leqraya γer yiγerbazen yiwen uḍris anda i d-yenced akk ixeddamen n tneγlaf-is γer usqerdec n uḥric-agi n leqraya. Yettrağu uneγlaf ad d-yili wawal γef yal aḥric teεna temsalt-agi n uselmed : ahil, ttawilat, tarray, aseleγ n yiselmaden, lweqt n leqraya akked wassaγen gar yinelmaden…atg.Γef wanect-a, dγa, i d-yefka kra n yiwillihen anda i d-yeḍleb deg yiselmaden ad d-beggnen lexṣas i d-ttmagaren deg umahil nsen, ama seg tama n wahil neγ seg lexṣas n ttawilat. Σlaḥsab n uneγlaf, leqdic-agi ad d-yawi ayen yelhan i uγerbaz azzayri, ladγa imi kkan deg-s wid teεna temsalt, meḥsub iselmaden. Ussan-agi n umeslay ad fakken s temlilit taγelnawt ara d-yilin ussan n 9/10/11 deg yebrir 2013. Nessaram ad d-yili wawal ula deg tmetti imi aγerbaz d tamsalt yeεnan imal n tamurt. Yelha, di&gamma,; lukan ad ilint tedwilin deg Tilibizyu akked radyu am nekni am tmura n ddunit merra.
Hocine. M