Saεid Kessas d yiwen n unaẓur i illulen ass n 29 unbir 1959 di teddert n At-xelfun, tamnaḍt Cabet el εamer lwilaya n Bumerdes. Si temẓi-s i yekcem di lebḥer n tẓuri, yaḥmel xarṣum ccna n teqbaylit. Deg seggasen n 70, ass-mi yesεa 12 n yiseggasen di laεmer-is, yesmaḥsis aṭas i tgejda n ccna n teqbaylit, ger-asen Sliman Azem, Sadaoui Salah, El Hasnaoui, Akli Yahyaten d wiyaḍ niḍen. Yelmed deg uγarbaz amezwaru n taddert-is At-xalfun, syen yuγal s aγarbaz alemas di tama n lbarğ n yemnayen(Bordj-menaiel). Dγa deg seggasen n 1976 yaḥbes-d leqraya-s, deg tallit-nni iḥulfa imman-is yella wayen it-ijebden γer ccna n teqbaylit, imi dayen tekcem idamen-is, imiren id-yuγ snitra-s tamenzut is-d-yesqamen 75 idinaren di lawan-nni. Dayen is-yernan afud d tebγest imi yekcem s wudem unṣib γer wennar n ccna. Deg seggas 1979, yekcem γer lxedma n yiγallen usellek di Lzzayer tamanaγt. Di tedyanin n 80, Saεid Kessas yella di lzzayer tamanaγt, iwala lbaṭel yeḍran d leqbayel, xarṣum deg seggas 1982, ass-mi nγan at-iččumar imṭurfa anelmad n tsedawit, Kamal Amẓal deg uγaram asedawan n Ben εeknun, yerra kan γer wul almi yeččur, syen yeṭarḍed-d deg seggas n 1985, anda i yebda yettheggi tazlitt-is tamenzut s usentel » Cfiγ yiwen n wass meẓẓi-ya&gamma,; deg webrid ttewta&gamma,; wwin-iyi s snasel deg ufus, s teqsan-iyi ansi id-kkiγ « . Dγa deg imiren, ixeddem tizlatin almi yessaweḍ yesmed 06, syen deg seggas n 1992 yesekles tasfift-is tamenzut di tezrigin « Yuba Music »di tama n Wizgan s usentel « Acu nettnadi nekkni s warrac ». Aseggas n 200, yerna yessufeγ-d tasfift tis 02, i yesekles di tezrigin « Tanfalit » di tama n Boumerdes s usentel « Ccfiγ i wass ». Amennuγ n Saεid Kessas, mazal yettkemil, anda id-yewwi yiwen n ṣenf amaynut i ccna n teqbaylit « Rock », iswi n waya, akken ad-yeddu i yemsefliden di lebγi-nsen, ad-slen iwayen bγan s uẓawan yelhan, akken tiγri a d-tawweḍ γer wemḍiq. Saεid Kessas yexdem deqs n tmeγriwin, ama di tmurt n leqbayel, Tizi-Wezzu d Boumerdes, ama di temnaḍin niḍen, am Lzzayer tamanaγt d Ilizi.Saεid Kessas isekles yiwen uḍebsi( CD) n 06 ntezlatin, s usentel Tarewla, ṣenf « Rock » ara d-yefγen deg seggas-a 2013, anda llant tezlatin niḍen s isentalen yemgaraden, amedya »Tafsut, Tagrewla, S lebγi-w, Acetki, Ur nerbiḥ.. » Γer tagara Saεid Kessas yummen s wayen ixeddem, u yessarem akken lxedma-s ad-teddu i lebγi n yemdanen.
Islam Bessaci