Asqamu n tfaska tadelsant taγelnawt n usaru amaziγ yesudes-d Tazrigt tis 13 n tfaska n usaru amaziγ deg wexxam n yidles Mulud at Mεemmar di temdint n Tizi-Wezzu. Aya, ad yili s teγzi n setta n wussan. Leqdic yebda ass n ssebt yezrin u ad yeddu alamma d ass n 28 di maγres. Di tfaska n useggas-agi ad tuɣal tejmilt i unaẓur Mohamed Bouguermouh (i tewwi tmettant deg ussan-agi yezrin), yiwen n wejjgu n tẓuri d yidles amaziγ i yeskelsen asaru amenzu s tutlayt n tmaziγt « Taourirt yettwattun (la colline oubliée) », akken daγen i yeḥddar di ddeqs n tezrigin iseggasen yezrin n tfaska usaru amaziγ.
inebgawen n lḥerma n tfaska n useggas-a d imaziɣen n Siwa (di Maṣer).
Dɣa d tagnit akken ad yettwasen yidles n yimaziɣen n temnaḍt-a n Maṣer. Ad ttekkin 17 n yisura iγezfanen deg temsizelt ar tzemmurt n wewreɣ. Akken daɣen ara ttekkin 09 n yisura wezzilen i usebγes n yelmeẓyen ara d-yufraren. Ad ner lwelha belli leqdic n tfaska-agi ad-yeddu di 06 n temnaḍin niḍen n ugarzu n Tizi-Wezzu, gar-asent; Wizgan, Larebεa nat iraten, Draε ben xedda, Wad Σisi, Tigzirt d Buγni Tafaska -agi di Tizi-Wezzu d-akaz (Reconnaissance) n ttεebga ẓẓayen n tutlayt tamaziγt di tmurt n Lzzayer, d wayen id-tefka temnaḍt-agi n Tizi-Wezzu i yedles azzayri sumata. Tadyant-agi d asnarni akk d unegmu n usaru amaziγ iwakken ad-yesεu amḍiq-is deg maḍal ger lejnas » i d-yeqar yal tikkelt mass Si Lhachemi Assad.
Islam Bessaci