Ass n umenzu n yebrir 2013, tella-d yiwet n temlilit n yinelmaden n tmaziγt n tesdawit Lmulud At Mεemmer deg uxxam n yizerfan n umdan n Tizi Uzzu. Timlilit-a, heggan-tt-id yinelmaden d wid yesεan agerdas deg tutlayt d yidles amaziγ. D tagnit anda i d-slalen yiwet n tiddukla iwumi semman ‘’Tiddukla n yinelmaden d wid yesεan agerdas n tmaziγt : Tarwa n Mεemmri’’. Ma γef yiswiyen n tiddukla-a, yenna-d uselway-is Mass Graichi : ‘’d yiwet n tiddukla ara d-yernun γer unnar n leqdic γef tmaziγt. D taseğğigt ara yernun γer tmeqqunt yellan yakan. D tin ara d-yefken rriḥa yelhan. Iswi nne&gamma,; d anadi γef yizerfan n wid i d-yewwin agerdas, d asnerni deg tmaziγt seg yal tama’’. Ma d amek ara d-yili umennuγ γef leqdic-a, nnan-d iεeggalen n tiddukla-a :’’amennuγ ad yili deg unnar, mačči s wawal. Ha-t-an nebda yakan, neẓra yiwen n député yewwi-aγ-d yiwet n temlilit akked unemhal n usegmi n Tizi Uzzu. Nessaram ad nẓer aneγlaf deg ussan i d-iteddun. Mazal, di&gamma,; lecγal-nniḍen. ’’
Afud igerrzen i wid akk yekkaten γef tmaziγt, ladγa deg teswiεt-agi n tefsut n Yimaziγen.
Hocine. M