Yettidir uxxam n lbusṭa n tɣiwant n Draε Ben ¨Xedda i ibeεden s wazal n 11 n yikilumitren ɣef lwilaya n Tizi Wezzu di liḥala ur nelhi ara. Aya, yekka-d seg yiḍumman i innejmaεen daxel-is lqidar n wayyur-aya. D ayen yeǧǧan ixeddamen d wid irezzun ɣur-s irkeb-iten lɣiḍ d ameqqran, imi ula d yiwen seg yimḍebren teεna temsalt ur d-igir iman-is i tukksa n wuggur-agi i yettnernin seg wass ɣer wayeḍ. Si tama-nsen, ixeddamen n Lbusṭa nnan-d dakken, gren tiɣri deg wussan yezrin i kra seg yimḍebren n tɣiwant, akken ad d-afen tifrat i uɣbel-agi i yeǧǧan axxam-a d awal deg yilsawen n yimdanen. Tamsalt acku d tin i iceɣben imdanen merra , maca ifassen urzen, ulac kra u nɛerḍi ara tt-igezmen di rray iwakken ad yessizdeg tazeqqa-a yettqabalen acḥal d amdan yal ass.
Malika Kebaili