Yekker iruḥ ar texzant n wuzzal yelli-tt deg urrab n tnaεurt
Ʃli: Attan, attan anida i k id ttmuqul ah! Awi-iyi-d yiwet ad tesweɣ, ɣas akka ur lluẓeɣ ara, maca ad sedhuɣ iman-iw am waken yella kra giɣ (ixedmeɣ)
Weεli: (yeddem-d taqirurt di texzant) akka meqqar ad nedhu ur nettxemmim ara.
Ʃli: Γef acu ara nxemmem?
Weεli: deg wannect-a akkit!
Ʃli: D acu?
Weεli:D nekk ar d s teqsiḍ, ayen ara k d iniɣ akk teẓriḍ, neɣ tebɣiḍ ad iyi d tesenṭqeḍ , ih teḍra yid-k am win akken yeṭṭef talast (ṭlam) yessehdar-d ameddakel-is akken kan ad iḍeqqer tugdi, lammer ad k iniɣ, ugadeɣ i k yettaɣen
Ʃli: ini-d
Weεli: Ayen yellan teẓriḍ-t
Ʃli: Ur tufiḍ i walaɣ!
Weεli: yakan Akka telliḍ tugadeḍ
Ʃli: I kečč??
Weεli: (iqerreb γur-s imudd-as tabɣalt) sell ay ameddakel! Amek i ak qqaren akken? D lewhayen ar tura yiwen ur yesin isem n wayeḍ
Ʃli: Isem-iw? i yisem-ik? ima teẓriḍ naɣ ẓriɣ d acu ara dizaden, da ur tufiḍ iwacut yisem ala nekk yid-k i nella, ur yelli la isem la leεmer la tansa! D acu ara tgeḍ yes-sen? Ah! di tmesrifeg i k yuγ lḥal, ad tiḥwiğeḍ isem, tansa. Haqel-al da… ih! ul d awal n da ur as d iqqim unamek ur nban anida nella naɣ ar wanida i d newweḍ naɣ ar wanida inteddu
Weεli: Imi ara d iniɣ da, anamek-is anida akka nella, di tnaεurt, di lḥbes-a amectuḥ
Ʃli: yettusemma Mazal-aɣ d imdanen?!
Weεli: D acu d acu !? ur d qqar ara nuɣal d ayen nniden !?
Ʃli: Anida ḥṣiɣ?
Weεli: D acu-yaɣ ihi!?
Ʃli: d wa i d asteqsi
Weεli: D aya ik yessagden!
Ʃli: ula d kečč diɣen
Weεli: Ar tura ur ugadeɣ ara, ma yella mazal-ik akka ugadeɣ ad-iyi tt-id-sneṭḍeḍ, deg tegnitt am ta d usteqsi am wa! Teḍra ak am win ara yilin ɣef tqacuct n wedrar, imi ara d yemmuqel ɣar ddaw
ad as-yini: lamer ad cḍeɣ s ya! Naɣ win yellan sufella n uɣerrabu ad as yini: lammer ad ɣliɣ ar yill wissen d acu ara yeḍrun yid-i? Axemmem am wa mačči d tugdi kan i d yeggar, ih! Lammer ad ak iniɣ: d acu ara yeḍrun yid-i tura ma ḍeqreɣ iman-iw?
Ʃli: Ur tufiḍ ara k yaɣen ad tleṣqeḍ ɣef tnaεurt
Weεli: Ur ɣelliɣ ara?!
Ʃli: Anida akka telliḍ ulac aγelluy, ulac ayen ara k ijebden ɣur-s
Weεli: Ur ɣelliɣ ara?
Ʃli: Ur tettaliḍ ur tettsubbuḍ, ur tɣelliḍ ur…ulac aɣelluy, ulac alluy, ulac timegraḍ, ulac aṣaḍuf… ulac ccer, ulac lxir…ulac ayen yelhan, ulac ayen n diri…ulac leḥmala, ulac lekraha…i tura tefhemeḍ?
Weεli: Ttxilek, ur d iyi ggar ara deg zerdab, anida ur ttiliɣ d amdan
Ʃli: wissen d acu i ak d yegran ihi, amdan! Amdan teğğiḍt-in di lqaεa, acku amdan d mmi-s n lqaεa… anida-tt lqaεa yellan da?
Weεli: D acu-k ih?
Ʃli: D wa i d asteqsi
Weεli: tura bdiɣ fehmeɣ… Ih imi ur teẓrid ara d acu-k…ur neddi d lqaεa ur neddi …ih nekkni d tagerteṭṭa i tecfen deg tallunt (espace), am yifer yeddem waḍu, anef awer d nezzi anida tebɣu teffeɣ… lliɣ ttganiɣ melmi ara d iyid ssiwlen ad iyi nɣen ula d akken anẓaḍ ur yenhiz deg-i … mačči d temattant i yugadeɣ, maca ma yella akka awi yufan nγan-iyi, wala akka yeεreq-iyi ula d iman-iw! ur walaɣ ara d acu iyi, din-a nban nekkni d arraw n lqaεa i tura, mazal aɣ d arraw n lqaεa?! (tasusmi yuγal iεggeḍ) d acu ayaɣ ih! Nekkni d rraw n wemdan anida nebɣu nruḥ, ih d acu ara d yawin asteqsi am wa ad yaɣ allaɣ-nneɣ, yella kra ibeddlen deg-neγ?
Ʃli: D kečč i tt-id yebdan
Weεli: Acku tebɣiḍ ad iyi teskecmeḍ ccek ur nesεi azal
Ʃli: Ur nesεi azal! Lamer ad ak nɣeɣ tura!
Weεli: Ur tettuneḥsab ara d tamgerṭ.
Ʃli: A twalaḍ?
Weεli: Ur tettuneḥsab ara d tamgert, acku ulac kra n uṣaḍuf, annect-a ɣur-k azref, maca imi ara d iyi tenγeḍ ad iyi-d waliḍ bεuẓleɣ tzemreḍ ad twaliḍ ma dayen yelhan naɣ d ayen ixesren it xedmeḍ? D aya izemren ad yini ma yella mazal-ik d amdan neɣ ala, mačči d aṣaḍuf, naɣ d tamgert, d ayen is ara teḥulfuḍ degmi ara d iyi tenɣeḍ.
Ʃli: I kečč imi tenɣiḍ, amek i yella uḥulfu-k?
D acu-t uḥulfu-w degmi inɣiɣ? Nezga nettaf-d timental i twaγiyin-nne&gamma,; ini-iyi-d axxi yiwen ur nenɣin ara akken kan ad yeddu di lebɣi i yiman-is !?
Weεli: Fiḥel tuzya, ini-d kan ar wanida i tebɣiḍ ad tawḍeḍ? yak nekkni neṣṣenṣel taglimt-nni nat lqaεa! nteddu s war a PASPORT, war NEKWA (nationalité), war iswi! ih war iswi acku degmi inger aḍar ar tmexneqt yeffeɣ aɣ yeswi aqerru, ala lmut i nettwali…maca nekkwa n lqaεa amek i tebɣiḍ ad ak amne&epsilon,; ula tti ur d qqiment ara, d acu i tent-isseɣlin deg-neɣ anida nedda ddan-t yid-neɣ atentad da d axel-nneɣ
Ʃli : Nnekwa n lqaεa !!
Weεli : Ih…nnekwa n lqaεa ih ?
Ʃli : Ih tenniḍt-id s yiles-ik, ih nuɣal ur nettwali ara ala nnekwa n at lqaεa, i nnekwat nniḍen anida i tent-terriḍ, Mačči d aya i d axeṣṣar?!
Weεli: ur yelli uxeṣṣar yellan! Tura kan i d-nenna, lqaεa d yemmat-nneɣ neɣ ala ? Tayemmatt nneɣ yal yiwen tmudd-as ssifat yal yiwen deg-neɣ yettawi-tt yid-s anida yebɣu i ruḥ
Ʃli : anida nebɣu n ruḥ, di lqaεa
Weεli: ula berra i lqaεa
Ʃli: aya ar tura tyeẓri yiwen.
Weεli: nekk ẓriɣ, tura ad akd amek
Ʃli: S imi ara d iyi d sbegneḍ, ad steqsiɣ ar umris-ina (al ağhiza)
Iruḥ ad yesseffeqed yeṭṭalay-iyi-tent
Weεli: Ugadeɣ ad tuɣaleḍ am nutenti, wehmeɣ amek tuɣaleḍ d aqettal kečč zedɣent aqerruy-ik alammi tεeggleḍ ad tuɣaleḍ (MIXRATA) n wuḍru
Ʃli: (yezzi-d ɣur-s) amek (mixrata) n wuḍru!?
Weεli: Amedya
Ʃli: I kečč? D acu i telliḍ?
Weεli: Nekk ttwakelxeɣ… di leɣlaḍ i ruḥeɣ …ttɣileɣ ad sukkseɣ amdan yuysen…nekk mačči ɣef yidrimen am ufuḥan
Ʃli: Afuḥan!? Nekki?!
Weεli: Yella kra ufuḥan yugaren win ara yenɣen acḥal n tmegraḍ ɣef yedrimen….ad izeggej ad ineq akken ad
iwerret alammi i d yeɣli di tcerkett am uḥelluf?!
Ʃli: Terriḍ-iyi d afuḥan?!
Weεli: Mačči d nekk i ak -isemman akka d naib amatu ….iban akka ik -id -weṣṣefen yiɣemisen… aqettal n tlawin akka akk i ak -semman!
Outamazirt