Ʃli: wali, wali amek i nettaffeg ahat n saweḍ arured n tafat
Weεli: arured n tafat!?
Ʃli: ih d ayen imi ur yezmir uradar at-id-iqis Weεli: ur fhimeɣ ara
Ʃli: ahat d kra n webluɣ (globe) i d aɣ ijebbden ɣur-s deg yimi i d nezger tilist n TIJUBDA iynes
Weεli: abluγ?!
Ʃli: ar tura ur yelli i d ibanen deg umris-a, acku yudaf ama d kra, ula d akken ijebbed-aɣ
Weεli: ijebbed-aɣ!?
Ʃli: ad nernu kra akka cwiṭ ad aγ-d iban fella-s
Weεli: ad aɣ iḥir?!
Ʃli: ih
Weεli: ad nuɣal d ayla n webluɣ, lammer meqqar i nessin isem-is
Ʃli: tura ad nwali
Weεli: d aɣelluy ara neɣli fell-as, d akeckec ara nekeckec
Ʃli: ma yella teffeɣ akken ẓran aɣ-d at lqaεa mačči d aγelluy ara neγli d timersiwt ara nres, maca yella yiwen wugnu (probleme)
Weεli: D acu-t?!
Ʃli: abluɣ-a wissen amek-it, amek iga, s waci iga? Wisen tudert, ma tella deg-s?!
Weεli: wissen ma yettwazdeɣ neɣ d ilem?!
Ʃli: mačči d annect-a, i d-iyi ceɣben d amek-it, s wacu yerwes, ma nezmer ad nres neɣ ala?! Ih mmektaγ-d makken i d aɣ-d-nnan ɣurwen 1ɣaf 100 n usirem, ahat d aya i yebɣan ad inin, d tarusi amek ara nres
Weεli: d acu i d iyi wwin, ah! lammer d iɣileɣ akka, tilli iqqimeɣ kan din, ad iyi nγen tikelt, wala da ttmettateɣ yal dqiqa, d acu i d aɣ yewwin ad neqbel?
Ʃli: d yiwen-a ɣaf 100
Weεli: ula d kečč d yiwen-a ik id yewwin neɣ ala?
Ʃli: (zdat n umris (appareil) iεegged) hat
Weεli: iban-d?
Ʃli: ruḥ ar ṭṭaq ad twaliḍ
Weεli: (s urured yuzzel ar ṭṭaq) bɣiɣ at waliɣ…anida-t? Anida-k a win ara ilin d aẓekka-nneɣ, naɣ d tasddarayt-nneɣ. Ih! atan atan dihin atan atan …ad s t-iniḍ d agur…ih! ayɣer mačči d agur?
Ʃli: d awezɣi…agur n lqaεa neğğat-in s wzal n 10 imelyunen imeyyalen.
Weεli: ula d kečč! muqel, muqel ma yella mačči d agur
Ʃli: (yerra ar ṭṭaq) d tidet….akka kra ad ibin akken iwata, imiren ad aɣ-d ibin d acu-t
Weεli: (ar ṭṭaq) nezmer ad nwali ma yella d ameddakel-neɣ d acengu-nneɣ?
Ʃli: (ula d netta yettmuqul) ulac d acu i twalalḍ?
Weεli: (yettmuqul) ah! Tafat i d yettak
Ʃli: twalaḍ tafat tuffrar, ad ast-inid tabeṭṭart (BATTERIE) n wuḍru i t-id yefkkan
Weεli: ad as-tiniḍ d lefnar-nni yettmalen iberdan i iɣerrabuyen deg garawen (oceons), d acu i tenniḍ nekk ḥulfaɣ am win i aɣ-d issawalen s iẓenẓaren-a n tafat… imi d netta i aɣ-d-ssawalen ur cukkeɣ ara ad aɣ-d yeḍru degs wayen n diri…ay abluɣ amelḥan kečč tessawleḍ-aɣ nekkni nerra-d i teɣri-k, aqelaɣ-in ɣur-k ar ɣur-k s anisa yudaf i d nusa, si lqaεa. nekkni d rraw n lqaεa d imdanen ttxilek ay abluɣ a εziz mager-aɣ-d s wudem igerzen, ttxilek mager-aɣ-d s wayen yelhan ur aɣ ssexrab ara nniya,Nusa-d ɣur-k s wannuz d lemneε nerwel-d i lmut, d kečč i d asirem-nneɣ aneggaru
weεli yeṭṭalay ameddakel-is Ʃli ma ulac d acu it yuγen
Weεli: (yugad ɣef umeddakel-is) ahak ay idmaren-ik akken tt-cercuren d idammen! ur tesriεeḍ ara?
Ʃli: ala! i kečč muqell kan afus-ik akken yettiqi
Weεli: lethi d yiman-ik wamma nekk ahat d ixebbic kan …ula d nekk ur tufiḍ i d-iyi-qerḥen…zzi-d zzi-d ad d waliɣ
Ʃli: tɣilleḍ d akellex, d ixebbic, a d aẓar i ak itt-wagezmen
Weεli: waqila tebḍiḍ asehetref! Yella kra i tesneḍ di (médicine) tujjya? d kečč i yettwawḍen tuḥlağeḍ lemḥadra, laqen ak idammen, i tqirurin-nni n yidammen …ur tt-mimiḍ ara tura ad zziɣ (yekker s tγawla)
Ʃli: ala k qqareɣ ur tufiḍ i d iyi-uɣen…ɣas ekkes anezgum, haqel-i alammi d tura i yufiγ iman-iw, ḥusser fessuse&gamma,; hatah (yettneggiz) hatah wali wali
Weεli: (yettmuqul deg-s yewhem) atan amm-i bubbeɣ!
Ʃli: twalaḍ?
Weεli: I yihni-a iteddun deg-k?! ula d unuɣ-k (couleur) ibeddel, tiqit idammen ulac-itt deg udem-ik
Ʃli: I kečč amzun txuṣṣeḍ, i uẓar-nni ufus-ik?
Weεli: (imuqel afus-is) d tidet azar-a yettwagzem ahat qrib ad kfun deg-i idammen
Ʃli: yak nniɣ-ak aqel-ak tuɣaleḍ d awraɣ am tqerṣett, tḥusseḍ i nizfan naɣ ala?
Weεli: ulac ayen imi ḥusseɣ, am kečč tura ifesuseɣ
Ʃli: aha tra jelleb neɣ azzel am nekk!
Weεli: (ineggez) ad negzeɣ ih i tura dayen! i wannecta tura mačči d tisewham! teɣli-d yes-sneɣ tnaεurt ur nemmut!
Ʃli: ih …neslek!
Weεli: imagusen (blissures) nejreḥ, nettwaxbec, macca am akken acemma ur yeḍri yid-neɣ! Ur twalaḍ ara d aɣelluy n lmut? d acu ara d iniḍ?
Ʃli: d kečč i d amejjay
Weεli: ih idammen-nneɣ akk mmaren-d, maca ur nenzif, ur neṣriε! zemreɣ ad iniɣ belli da ur nuḥwağ ara idammen akken ad nadir, lammer ad iniḍ akka di lqaεa ad as inin amejjay-ina yesleb neɣ yettxerrif, d abuhal, zemreɣ ad iniɣ belli iṣuḍaf n tujya n dihin d wid n da mačči yiwen
Weεli: muqel, muqel…ulac d acu i twalaḍ? Aqelaɣ di berra yerna war tijellabin-nni i d aɣ-d selsen akken?!
Weεli: ah! Ur nḍaq ara! Nettḥerrik amzun akken ɣaf lqaεa i nella!
Ʃli: (yettmuqul akka d wakka) ahak i idurar-ina!
Weεli: (yemuqul) d tidet d idurar maca wiyi ad as t-iniḍ d iεerriḍen n wedfel igersen neɣ ijeblac ibedden…muqel muqel kra yellan yemzi …ur yelli kra la asklu la tiregwa n waman…tagnawt zeddig-t…muqel muqel yiwet n tmeččimt n tliqett ulac-itt …i unuɣ a amelḥan
Ʃli: (yesmeḥsin) mačči d abanafsaği akkiya, maca d iğğin i walaɣ unuɣ am wa, azegaza fessusen…ulac unuγ am wa
Weεli: ad as tiniḍ d tizegzewt-nni i d n tmes
Ʃli: wali kan unuɣ yettaken anzi ar yecraraqen n wuḍru (éléctricité)
Weεli: d ayen izaden deg-s neɣ ala?!
Ʃli: twalaḍ unuɣ (Couleur) n tgnawt, ala ayen ara tafeḍ deg tfelwit n taklut (peinture), d timucuha
Weεli: (imuqel akka d wakka) ah! Kra ur yettḥrrik! la abeḥri, la nnesma, kra yellan igen ad as tiniḍ d tafelwit n wunuɣ
Ʃli: ih! Waqila ula d azwu (lhawa) ulac-it!
Weεli: amek ara neffes ihi! Susem kan waqila ur ttneffiseɣ ara…. ur ḍaqeɣ ara…aha kan ad waliɣ idmaren-ik! aha qim ad waliγ (yessers ameẓẓuɣ-is γef yedmaren n umeddakel-is) ur txeddm ara turett-ik …aha kan ad waliɣ .uhuh ad as t-iniḍ ur yettmimḍ ara akk…am akken ur yekkat ara!
Ʃli: amek akka! Yeḥbes ul-iw, maca ddreγ?!
Weεli: (iletha d yiman-is) ula d nekk kif kif am kečč, kra ur yeddir deg-i am wul am turett!
Ʃli: amek alammi?!
Weεli: ur walaɣ ara…ma nedfer tujjya, nekkni nettuneḥsab deg lmeytin!
Ʃli: maca nedder!
Weεli: ula d nekk daya i d-iyi swehmen.
Ʃli: anef a wid kan imi nedder
Weεli: d tidet, maca amek?!
Ʃli: ahat d wa i d addad (état) n wubluɣ-a
Weεil: d acu n waddad?!
Ʃli: akken ad nwali d acu-t ilaq ad nezɣez (decouvrir)
Weεli: akken kan …wisen ma llan walesiwen (espece) nniḍen naɣ d nekkni kan?!
Ʃli : (yessaked later-is) muqel ɣef wacu inebded…mačči d akal…mačči d ijdi (sable)…mačči d…!
Akli Outamazirt