Temlilit tella-d tameddit n wass n xemsa seg yulyu 2012.
Ilmend n umulli wis 50 n uzarug (timunent) n tmurt n Lezzayer, tessudes-d tdukla tadelsant Numidya yiwen n leqdic s wazal-is, ideg d-tella yiwet n temlilit deg uxxam n tdukla ɣef usentel n tegrawla, amennuɣ ilmend n uslelli n tmurt d umennuɣ ɣef tutlayt d yidles amaziɣ deg umussu aɣelnaw azzayri.
Timlilit-a i bɣan ad tili yiɛeggalen n tdukla-a d tafilt tagnennayt (table ronde), fkan-d deg-s awal sin n yinebgawen. Yiwen d Dda Ɛebdella Ḥaman s yisem-is d yiwen yennuɣen ɣef tmagit tamaziɣt di tallit n tegrawla deg yiseggasen n ṛebɛin, d amyaru s tmaziɣt, yettekka daɣen deg umussu n FLN n tallit-nni .
Wayeḍ d Mass Leclac Bumedyen netta d amnadi deg umezruy. Timlilit-a iɣer d-rzan waṭas n yimdanen ladɣa iɛeggalen n tdukla, tella-d tameddit n wass n xemsa seg yulyu 2012.
Mokrane Chikhi