Sbitar n Iɛeẓẓugen Meɣnem Lunas yettidiren lexṣaṣ meqqren deg weḥric n yimejjayen yettwaxeṣen, aya ɣas ulamma lan deg-s ttawilat atraren n tujya am serbis n usizdeg n tegẓal d wiyaḍ. Ɣas akken imejayen yellan, ɣaf uqarru-nsen tanmehalt Massa Ben Amara, d wid i ifkan akk leǧehd nsen, maca lexṣaṣ yella ladɣa deg imejayen yesseqdacen tawil n radiu Scanner, ayen yeǧan imuḍan deg yal teswiɛt ad ruḥen ɣer “privé” ɣas akken yessutur tadrimt meqqren. Si tamma niḍen ad nar tamawt belli sbiṭar-a qesdent imuḍan n teɣiwanin i d-yezzin Iɛẓugen am Iɛkuren, Meqlaɛ, Friḥa d Buzegen, ayen yeǧǧan ad iban lexṣaṣ deg tzɣwa n ibarasyunen d serbis n tujya n lɛeǧlan imi tin yellan tezmer i wazal n 160 n yimuḍan i wass. Si tamma niḍen yella-d lexṣaṣ deg imejayen yetwaxeṣṣen ladɣa deg tarrawt, imi serbis n 40 imekwan yesɛa ala yiwen n umejjay ayen i wumi neqar génécologue. Si tamma niḍen teḥsef tnemhat n sbiṭar-a ɣef lexṣaṣ n tawilt n uɛiwed n iḍuman i wumi qaren “banaliseur», imi tawil yellan d agbur issaɣay iḍuman, ayen i d-igellun s uluɣu n twennaṭ. S wakka tessutur t massa Ben Amara seg tneɣlaft n tezmert ad teskelf s wuguren n sebiṭar-a ilmend n lfayeda n lɛamma.
Dalila I.