Ʃli: d acu i texseḍ ad mektiɣ?
Weεli: ayen tebɣid, amedya amek i telliḍ imi k d ṭṭfen
Ʃli: (yemmekta-d) lliɣ qqimeɣ zdat n tabla n (rasm) ssalayeɣ deg usenfar-iw
Tban-d ṭṭblala di tallunt sufell-as amedyat Amecṭuḥ n usenfar n trisiti
Weεli: ahah! Atan, atan aha-k!
Ʃli: akka i tella….ar yiri-w aqfaf (délégué) n yiwet n tkebbanit yelsa-d takebbuṭ d tawraɣt…ma d udem-is ur cfiɣ ara fella-s
Iban-d wyaen i d yenna swasaw
Weεli: akka i tella…akken ad binent tugniwin di tallunt, yessefk ad nemmekti akken iwata ayen i nedder ad aɣ taɣ am akken di targit i nella
Ʃli: akka akkiya
Weεli: (yeṭṭal d asawen) ih truḥ tugna-nni, ihuh dayen teffeɣ allaɣ-ik
Ʃli: ma yella aṭas i nebɣa ad teqqim, yessef-k ad teskurrec deg wallaɣ
Weεli: ih! Mmektaɣ-d yiwet akken i wata ur bɣiɣ ara ad tettuɣ
Ʃli: tugna n wanita?!
Weεli: tameṭṭut-iw
Ʃli: iiih ladɣa ma tḥemmleḍ-tt
Weεli: d tamelḥant…d tamuzyint, ih ad t-jexleḍ deg-s, ahat tura ad t-tafeḍ teqqim deg useqqif ar yiri-s radyu, deg ufus-is isegnan tẓeṭṭ-iyi atriku tenna-k: theyyiɣ-ak-ten i tegrest
Tban-d tmeṭṭut d tuzyint ɣaf ukersi ar yiri-s radyu, gar ifassen-is issegnan tkessu atriku
Weεli: hatt anida i d tban, d nettat? tgerrez naɣ ala?
Ʃli: izad wi izaden!
Weεli: akka i tettmeslay, tta i ttaɣect-is (yeqfel
allen-is am akken yesmeḥsis-as ar uqerruy-is)
Tameṭṭut: (tettmeslay-d di tallunt)
ilhant tegnatin deg ara tiliḍ yi-d-i…ay argaz-iw a εziz, acimi ur k ssineɣ seg zik, wammag ad tiliḍ d amezwaru di tmeddurt-iw
Weεli: ad as iniγ: mačči daya, ayen i d iyi ceɣben ma ala nekk i tḥemmleḍ di tmeddurt-im
Tameṭṭut: leḥmala taḥeqqanit d kečč i d amenzwaru
Weεli: d ayen yessefraḥen, d ayemmi i d iyi-d tban temgert-nni i wwiɣ d ulac, ah! awi yafen d tidet, tidett-nni i teffreḍ ar tura
Ʃli: (yettmuqul ar tugna) d tikerkas waya akk i ak-d tenna?!
Weεli: tettkellix fell-i
Ʃli: d ayen ur tettaraḍ ɣur-s!
Weεli: s waya id-iyi-texde&epsilon,; d tazeğğigt ilili udem-is yecbeḥ ma d uli-s yeqseḥ, aniwa ara s yinin, aniwa ara yamnen belli tta i d-iyi demren akken ad nɣeɣ…ar tura ur fhimeɣ kra….akken i d-iyi tɣur s yiles, tkessu-iyi atriku i tegrst, akken i d-iyi tγez aẓekka tenṭel-iyi d amuddur, tessa-iyi leḥrir ɣef zeggar
Akli Outamazirt