Ilmend n wass agraγlan n twenaḍt i d-yettuγalen yal ass n 05 yulyu di yal seggas, axxam n yelmeẓyen Chellah Muḥend n tγiwant n Wizgan sudsen-d yiwet n twizi meqqren u s wazal-is i yellan γef demma n wass agreγlan n twenaḍt. Ayagi d azizdeg n wedrar n Criεa s usentel « Ad-yizdig wedrar-inu », anda i yukkan s nnig n 300 iwiziwen i yettmetilen ixxamen n yelmeẓyen n 03 n tγiwanin, Wizgan, At-Zikki d Yillulen umalu yetabaεen tamnaḍt n Wizgan, tidukkliwin yemgaraden, ger-asent tiddukla n yimaεder d yemdukkal-nsen n temnaḍr n Wizgan, tidukla tadelsant 28 ctember1958 n taddert n Yibekkaren, tiddukla n waddal n Yidurar « Kabylie-Evasion », tiddukla n twenaḍt Eco-Nature n temnaḍt n Wizgan d waṭas niḍen i yellan di ttiεad n wass agreγlan n twenaḍt, i d-iqesden adrar n Criεa i yellan d tilist ger snat n lwilayat, Tizi-Wezzu d Bgayet akken at-zizedgen, imi d yiwen n wemḍiq icebḥen Aṭas, id-tteqsaden imarayen d waculin s tuget xarṣum deg tallit n tefsut d unebdu. Iswi n twizi-agi, d aḥareb γef tezdeg n twenaḍt, d useḥbiber n warrac imecṭaḥ γef azal tesεa twenaḍt di tuddert n wamdan, d tiririt n wudem yelhan i tmarit di temnaḍ n Wizgan i cebḥen nezzah.
Islam Bessaci