Ʃli: ayen yugaren aya ur as nezmir ara, ulac s wayes ara neḥulfu s tudert ur yelli umiran naɣ amteddu! Nekk xseɣ (bɣiɣ) amira…xseɣ amteddu! xseɣ ad d yeḍru kra, ad ibeddel kra&hellip,; tumneḍ ma neqqim akka ur nehebbel ara?!
Weεli: s talwit kan s talwit….erğu, tura ad afeɣ tiffrat
Ʃli: allaγ n umeḥbus….d win yeffuden tilelli,wamma tafeka ayen yellan ad tedder yes-s, d tagella, d uḍru, maca netta ur yezmir ara i wakka, yezga yettnadi tilelli, ur yezmir ara ad irekked, tameddurt-is d ixeddim, d Usfares (produir) naɣ at yaɣ kra
Weεli: ad yexdem, ad isfares
Ʃli: da??
Weεli: Da ih! ad nmahel, ad nesfares!
Ʃli: d acu ar d nsefares? Ur d iyi-d ttmeslay ara kan ɣaf yizri d tugniwin-is, ma d amaynut, tadyant tamaynut, acku immel d umiran ur zmiren ara ad ilin ma yella ulac kra umaynut i d yeḍran, amzun nezmer ad nesnulfu?!
Weεli: ih
Ʃli:d acu-t umahil-a?
Weεli: mačči d amahil akkiya akkiya, maca d aya kan ara aɣ iselken, xersum ad nedhu yes-s ɣas ma yella ur tnuḥwağ ara
Ʃli: d acu-t ?
Weεli : taẓuri (l’art)
Ʃli: d acu?!
Weεli: hala taẓuri i aɣ-d iqqimen nezmer ad nesfares, ad nesuneɣ (dessiner) ayen akka nettwali zdat-nneɣ, naɣ ad nekkreḍ kra deg uldun-a, naɣ ad narru yiwen usefru iḥulfan-nneɣ.
Ʃli: d axettar! Waqila testufaḍ-d i tmesxir!
Weεli: mačči d tmesxir, ur ttqessireɣ ara deg tidet
Ʃli: tessewhameḍ
Weεli: amen-iyi, ala aya i aɣ d yeggran: tazuri d tussna, anef-aγ I tussna acku tessutur-d aṭas n wallalen, ad nezwir deg afrara (simple): tazuri…. ma yella neẓẓwer, d ayen ara aɣ-d yellin tawwurt ɣar tiɣulitin (domaine) nniḍen….aha ekker fella-k, aniwa udem deg tẓuri ar tferneḍ? Waqila d unuɣ (dessin) i tḥemleḍ?
Ʃli: tufiḍ-iyi-d yerna d tidet, wwiɣ-d iman-iw…maca i waniwa ara sunɣeɣ?
Weεli: i nekk!
Ʃli: I kečč-i?!
Weεli: i nekk-i ih! naɣ tḥeqreḍ drus, ah tlaq-ak taddart! amen-iyi ar ugareɣ taddar d taddart, yerna ad as muddeɣ azal d ameqran, aha ad twaliḍ.
Ʃli: teṣṣeḍṣayeḍ!
Weεli: Ur tumineḍ ara, zemreɣ ad slaleɣ deg-k ayen ur tettɣiliḍ?!
Ʃli: is yin akin, Neγ d aya?!
Weεli: ma drus! d acu i tebɣiḍ εni?!
Ʃli: nekk ɣur-i ixeddim d yessawaḍen γar kra n tamsegrayt, (résultat) d acu ara d yawi? Ttxilek d acu i umi tezmer tẓuri d tussna da? Ssunɣer naɣ qqimeɣ ur tufiḍ d acu ara bedlen, waqilatebda-k-id tidderwect naɣ d nettat s timmad-is
Weεli: tekkseḍ-as-d ula i tzuri?
Ʃli: mačči d taẓuri kan ula d tssna, kra ara tgeḍ akk da, ad yezzi fella-k, ad tafeḍ iman-ik di tuffɣa n wallaɣ, skud ur ibeddel ara liḥala-nneɣ
Weεli: d tawaɣit!
Ʃli: d tawaɣit ih! maca kečč tugiḍ ad iyi-d tegzuḍ (comprendre) ur twalaḍ ara! haqel-aɣ deg yiwen n lḥebs n lehbus, yessewḥacen ugar n wiyiḍ, lḥebs mi yellint twura, maca ur tezmireḍ adeg-s ad teffɣeḍ , ulac anida ara terreḍ, ula d lmut ur tezmir ad ak tessufeɣ deg-s
Weεli: ur nttmettat ara?!
Ʃli: ɣaf akken i d fehmeɣ, txelεeḍ!
Weεli: ihi ad neqqim kan akka?!
Ʃli: s war tidyanin
Weεli: s war amahil
Ʃli: s war lbenna
Weεli: s war lmerɣub
Ʃli: s war tilelli
Weεli: Ur tufiḍ i nuḥwağ mačči tt a i d tilelli?!
Ʃli: ma yella tta imi tsemmaḍ tilelli, ula d adrar a n waldun i bedden zdat-naɣ ur tufiḍ i yuḥwağ, Tilleli imi ara tiḥliğeḍ ixeddim! imi ara d yeḍru kra, imi ara ad nesnulfu amaynut, imi ara ad nesserwes amiran d yimmal, imi ara ur nwekki (influencer) deg wiyaḍ neɣ tudert i aɣ d yezzin, tilelli d talsit (humain)
Weεli: d tidet
Tasusmi
Ʃli: (ad isuɣ am uderwic) I syin aki?
Weεli: d acu s yin akin?
Ʃli: ulac s yin akin?! aya d tiderwect, yessefk ad yili s yin akin, yessefk ad yeḍru kra, ilaq anexdem, ur d iyi-d qqar ara d acu ara nexdem, ur d iyi d qqar ara ur nemsri i yixeddim,ur d iyi-d qqar ara dayen: nerwa nezga-d ɣef tiram-nneɣ, acku d tikerkas, nekk ur qebbleɣ ara ad uɣaleɣ d taɣawsa, ur n xeddem ur nqeddem ala ala ala
Weεli: i wacu isuγan?
Ʃli: Ur qebleɣ ara ad uɣaleɣ am udrar-ina n uldun, ur qebleɣ ara ad ttwaččar-ɣ s wuḍru, tesliḍ neγ ala?
Weεli: agi neγ qim ur tufiḍ ara d ssaliḍ
Ʃli: asmi i nella lḥebs di lqaεa nettru, aziɣen i yellan d leḥbus ur ten-nessin, ulac lḥebs aḥeqqani am wa,din-a meqqar nessram lmut…ih lmut, wamma da ula d asirem ulac-it,ula di lmut
Weεli: ɣas ma yella teffeɣ aɣ talsiwt, maca ad neggani?!
Ʃli: (s yimeṭṭawen) ur bɣiɣ ara ad uɣaleɣ d adɣaɣ, ur bɣiɣ ara ad uɣaleɣ d adrar, ur nettgani ur nessara
Weεli: ahah tettruḍ! Imeṭṭawen!
Ʃli: bɣiɣ ad mteɣ
Weεli: lmut! anida-tt? ulac lmut, ulac amahil, ulac asirem
Ʃli: ala s lmut i nezmer ad neffeɣ di lḥebs-a Weεli: haqel-i yid-k, maca amek?
Ʃli: ilaq ad naf amek ara nemmet
Weεli: (yettmuqul adrar nni) adrar ina!
Ʃli: ih acimi i tessikideḍ akka?
Weεli: erğu! Waqila ufiγ-d tifrat
Ʃli: amek ara nemmet?
Weεli: ih,sell: ima nuli ara taqacuct n wedrar ina nebra-d i yiman-nneɣ, amzun ur nettmettat ara?!
Ʃli: tufiḍ-tt-id
Weεli: maca, ima yella nebra-d iman-nneɣ ulac d acu i d aɣ yuɣen?
Ʃli: (yemmuqel s adrar) ad neslek?! ih ula d kečč, lqεa teqqur ernu annect ihin n leεli!
Weεli: anida teẓriḍ?
Ʃli: atan diɣ, texseḍ ad aɣ terred alamma d layas-nni,? Iyyan ur tufiḍ ara nexser.
Weεli: (yemmuqel γar wedrar) amek ara t-nali?
Ʃli: d tidet…lammer yelli wemrar neɣ sselk
Weεli: s anisa ara d nekk s wemerar?
Ʃli: (ixemmem) Taneẓrift
Weεli: d acu?
Ʃli: ahat sedan aɣ-d ….
Weεli: di tnaεurt?!
Ʃli: ah, d acu?!
Weεli: ttu lmut ttu-tt, ur d teḍru ara, neɣli ya ur nemmut ara! d acu i tenniḍ ad nṣeggem aneẓrift-nni
Ʃli: ad tenseggem?
Weεli: ahat yella wayen i selken deg amrasen-is (apareile), amzun ur nezmir ara aten-nseggem?
Ʃli: tanaεurt… d tidet…nettu-tt akk akken yebɣu yili yessefk ad nesmlami (Nesseεreḍ) iyyan ihi s tura
Weεli: amahil…attah ubuddid-a (poteau) ahat ad niḥwiğ
Ʃli: yennunet-d usirem iyyan ihi ad esmlami…ad nesmlami…
Weεli: tuγal-iki-id taḍsa!
Ʃli: ula d kečč ur txuṣṣeḍ ara.
Weεli: ih…eğğ-iyi ad ak sudneɣ, tuɣl-aɣ-d talsawit-nneɣ, ih nuɣal d imdanen, ad nesemlami
Akli Outamazirt