Akken ssaramen, ihi, yimḍebbren n tenmehla n usegmi n lwilaya n Tizi Uzzu, amḍiq amzwaru deg ukayad n uγerbaz amenzu (s5m), yuγal-asen. Acḥal-aya, d Tizi Uzzu i d-yettazgen deg umekkan amezwaru, ama deg BEF neγ deg BAC. Γef wanect-a i as-nnan iwacuγer ur d-nettazeg ara, di&gamma,; d imezwura deg 6ème . Acu kan asirem-a laqen-as kra n ttawilat. Ihi, ttawil amezwaru d aḥettem γef yiselmaden iwakken ad mudden i yinelmaden n uswir wis 5 tineqqiḍin yelhan deg uγerbaz, uqbel ad sεeddin, xas ur tent-uklalen ara. Akka, xas ur d-wwin ara la 6ème, ad εeddin u s wanect-a ad ten-skecmen deg lεeb. Tis snat, d astehzi deg tεessast ass-nni n ukayaḍ. (Qqen allen-ik, zzem imi-k). Tis tlata, d aseγti n ukayaḍ : aṭas n tewriqin ttemcabint mebla ma yeḍra wacemma.
Ha-t-an d acu i d-yefka waya, γef waken i aγ-d-nnan :
• Llan kra ur ssinen ara ad arun ismawen nsen, wwin-d akayaḍ.
• Llan wid ur nessin ara ad mmeslayen (helken, xussen deg leεqel), win akayaḍ.
• Kra, ufan kra n yimdanen heggan-asen-d isentalen-nni ttwaseγtan, win akayaḍ.
Mazal u mazal timsal-nniḍen.
Aya yeğğa iselmaden tuḥeyren : ur ẓran ma ad ferḥen imi εeddan akk yinelmaden nsen, neγ ad sḥissfen imi aṭas deg yinelmaden-a ur tt-uklalen ara.
Ihi akka i yenğer ubrid akken qqaren yinelmaden :’’win yebγan ad iεeddi, ad iwali…’’.
Hocine.M