Tasebḥit n wass n ttlata 18 yulyu, tazrigt tis snat (02) n tfaska n leqdic ufus id-yessudes wexxam n yelmeẓyen n tγiwant n Yillulen Umalu, teldi tiwwura-s s wudem, d leqdic ara yedun s teγzi n 03 n wussan, anda i yukkan deqs n yexxamen n yelmeẓyen d tdukliwin yemgaraden n lwilaya n Tizi-Wezzu, ger-asent, Wizgan, At-Zikki, Illula Umalu, Ifarḥunen, Meqla&epsilon,; Amecras, Buγni, At-Zmenzer, Σin zawiya, Cerif Busaεd n temnaḍt n Tizi-Wezzu akk d tidukla n yimeεder d yemdukkal-nsen n temnaḍt n Wizgan. Leqdic-agi yella-d s lemεawna n tmahla n yelmeẓyen d waddal akk d l’ODEJ n lwilaya n Tizi-Wezzu, s usentel « Aεiwed n usexdem iḍuman », i usebγes d uḥareb γef twenaḍt d wayen id as-d-yezzin.
Iswi n leqdic-agi, d asebγes n yelmeẓyen deg usnulfu di leqdicat ufus, anda imḍebren n wexxam n yelmeẓyen n tγiwant n Yillulen Umalu id-yesudsen leqdic-agi, heggan akk ttawilat iwulmen akken tafaska-agi ad-tεeddi di tegnatin yelhan.
I.B