Ilmend umuli wis 51 γef tmunent n tmurt n Lzzayer, deqs n leqdicat id-ittewheggan γef dema di 04 tγemmar n tmurt.
Dγa tamnaḍt n Wizgan tella di ttiεad, anda imḍebren n tγiwant n Wizgan, s tallelt n tudsa taγelnawt n lmujahidin d tesqamut n tadert n At-Sidi Σmar heggan-d yiwen n leqdic d amesbaγur u swazal-is, anda id-yella usemmi n yiwen uγarbaz alemmas γef yiwen n umaγras n tadert At-Sidi Σmar, i yeγlin deg wegni n liser ass n 02 yunyu 1959, wagi d Muḥemmadi Areẓqi.
Tamesbanit-agi tamazrayt tella-d s leḥdur n yemḍebren n temnaḍt n Wizgan, ger-asen iselwayen n dayra d tγiwant n Wizgan, tawacult n yigrewliwen d deqs n yimezdaγ n temnaḍt-agi. Ahil i jarden d amarkanti u s wazal-is, anda id-yella userussu n tmeqnin n yijeğğigen γef uẓekka n umaγras Muḥemmadi Areẓqi d wemḍiq ideg yeγli, d usebdad n yimeγrasen n tegrewla Lzzayer d uẓekka n kulunel Muḥend Welḥağ i yellan d yiwen n imḍebar aneggaru n lwilaya tis 03 tamazrayt. Akken id-yella usenεet n temzikniyin yemgaraden γef umezruy n tegrewla d isaragen niḍen. D tagnit yelhan i yemdanen, xarṣum ilmeẓyen akken ad-isinen azal n timunent n tmurt n Lzzayer d warfad umezruy lqayen tesεa tmurt n Lzzayer.
Islam Bessaci