Taɣiwant n Bechloul temmuger aggur n Remḍan s ufraq n wazal n 990 n yiḍellaɛen n lemɛawna i yimeɣban. Aya, yella-d s lmendad n yiwet n tedrimt n wazal n 260 n yimelyunen i d-terfed tɣiwant-a seg wayen i tesɛa deg uzḍem-is. Am wakken i d-tefka twilayt yiwet n lemɛawna s wazal n 240 n yiḍellaɛen. D ayen yeǧǧan tuget n twaculin yenḥafen ad sfaydint s lemɛawna-a ladɣa deg wussan imenza n Remḍan. Ɣef leḥsab n yisallen i d-newwi seg tɣiwant, yal aḍellaɛ yessaweḍ ɣer wazal n 3600 n yidinaren, anda ara yawi umeɣbun tacekkart n wuwren, zzit, lqahwa, ssker, ṭumaṭic, ccerba.
S. M