Deqs n leqdicat i d-ittewhegan γef dema n waggur n remḍan di yal tamnaḍt n tmurt n Lzzayer, xarṣum deg ayen icuden γer tikci n lemεawnat ilfayda imaγban d twaculin yenxeṣen.
Γef aya merra, Aggur Azeggaγ Azzayri n temnaḍt n Yiεεeẓẓugen yezga yella di ttiεad, anda id-yessewjed yiwet n tmesbanit n tmetti s wazal-is, ayagi d tikci n 600 iḍellaεen n remḍan, d lemεawnat i twaculin yenḥafen d tid yenxeṣen. Akken jarden deg ahil-nsen lḥemla n ṭṭhara ilfayda n 70 n warrac, ara d-yillin as n 27 deg aggur n remḍan ideg nella, tamesbanit-agi ad-tilli s lemεawna n yemḍebren n tγiwant n Yiεeẓẓugen d yiεeggalen n sbiṭaṛ Meγnem Lwenas n temnaḍt n Yiεeẓẓugen ara yesteklefen s ṭhara. Ttawilat akk iwulmen wejden u llan degeddi di tegnatin yelhanwemkan akken tamesbanit-agi n tmetti ad-tεeddi di tegnatin yelhan aṭas, ayagi yella-d daγen s ufus n tallelt n yiεarḍiyen d at-lxir. Iswi n leqdic-agi mera d uẓẓu n tayri d usirem deg ulawen, d uẓeṭṭa n tegmatt d tdukli ger yemdanen, dusekcem n lfarḥ γγer wulawen.
Islam Bessaci