Am yal aseggas lwilaya n Tizi Wezzu tettilli deg yimeḍqan imenza deg yigemaḍ n yikayaden yemgaraden. Deg ukayad n lbak, Tizi wezzu terra-d amḍiq amenzu i s-iruḥen aseggas yezrin s sebba n uneqleb n liḥala i yeglan s uɛṭel deg leqraya n yinelmaden ladɣa, deg tɣiwanin n wedrar. Imi yesunefk ad nesmekti belli xemsa n yiseggasen meqbel 2007.2008.2009.2010 d 2011, tella d tamenzut. Ihi aseggas-a lwilaya n Tizi Wezzu, tuɣal ɣar wemḍiq amenzu s wazal n 60.95%. D tasenawit Amar Tumi i d-yewin amḍiq amenzu deg lwilaya s wazal 81.91%, deg lawan ideg xemsa n yinelmaden wwin-d igemaḍ nnig n 17/20, 41 yinelmaden niḍen win-d igmaḍ nig n 16/20. Ma d tanelmadt ifazen d Sɛidani Sara n tesenawit Amiruc deg temdint n Tizi wezzu s 17.52. Si tama niḍen ad nesmekti belli lwilaya n Tizi Wezzu tewwi-d amḍiq wis tlata deg yigemaḍ n BEM s ugemuḍ n 65.17%, aya mbaɛd mi tella d tamezwarut deg yiseggasen 2011 d 2012. Ma d igemaḍ n ukayad n 5e tezga-d deg umḍiq amenzu s wazal 90.31%.
Dalila I.