Yeṭṭenṭṭen naqus tawwurt telli kecmen-d sin yemdanen s tmelsa yessewhamen
Taxemrit: (s leεyaḍ) tamsulta, tamsulta
Amsulti: (yuẓa ar txemrit) kra yella nesla-as-d, neẓra-t
Taxemrit: D AMRASEN! Ih ula da?! D tisewham, d acu i nexdem?
Amsulti: d acu n umahil-a temsefhamem ɣaf temsefhamem kem d wergaz-a ad txedmem akken ad tbedlem tagnit yellan?
Taxemrit: yak ur neffiɣ ara berra I uṣaḍuif?!
Amsulti: d acu-t?
Taxemrit: wisen, ar tura ur neẓri ara, yeqqim d axemmem
Weεli: ih, tura d ixemmim kan, aww ula d axemmem megdul da?!
Amsulti: ala a mass! Maca ameslay-nwen yetwasqerdec s wudem usnan, banent-d kra tiktiwin
Weεli: kra n tiktiwin?!
Amsulti: temmeslayem ɣaf tegrawla
Taxemrit: d asteqsi kan i d yella
Weεli: akka ih, steqsa&gamma,; ma yella kra n tegrawla i d yellan yakan daya!
Amsulti: ala a mass, da imdanen ur d tekkaren ara, acku d nutni i ten-ifernen (ḥUKUMA) d akabar n tigti (majorité) d netta i ḥekmen ma d akabar-nni niden ur tt-yewwi y ara di tefranin, yewwi-d fella-s ad iqader tagnitt, ur as d yewwi ara ad segriwel (révolutionner)
Taxemrit: nekkni ur n d ngir ara ad nesker tagrawla!
Weεli: ih mačči ɣar waya i nxemmem!
Amsulti: d acu i d ttheggim ihi?
Weεli: ad nessaki allaɣen, daya neɣ ula d annect-a megdul?!
Amsulti: ala ur d niγ ara akka, aya d azref-nwen, maca akabar-nni nniḍen iwet akk amak ara yesεeddi tiktiwin-is, maca imdanen ur t-id frinen ara
Weεli: ayen akk akka i d neqqar, d tamuɣli daya
Amsulti: temmeslyem ɣaf usedrem d usexser n wamrasen
Weεli: aya d awal i t id yewwin!
Taxemrit:ih d awal i d yewwin awal
Amsulti: d ya i d aɣ-d yewwin ɣar-wen, teẓriḍ akabar-im ur iqebbel ara aya, dayen teẓriḍ ukabar-im asmi yewwi tifranin ur yessaweḍ ara ad issefεel ahil iynes, ur yessaweḍ ara ad yeḥbes axxi ula yiwet n tmacint, acku dayen ara d yeglun s llaẓ, d usexreb n tegnitt γef yemdanen,d ayen ara yellin tawwurt akken agdud ad grewlew mgal-is, dγa yerra-tt γar tsekla d tẓuri
Weεli: (I txemrit) yeḍra-d waya?!
Taxemrit: ih, dayen yellan, maca akabar-iw, d akabar-iw nekk d nekk
Weεli: ih! Γar-neɣ tiktiwin yemgarraden ɣaf ukabar-nni
Amsulti: aya d tiktiwin-nwen! Yiwen ur awen d ikeččem aɣbel, maca s wacu n w
udem ara d sbegnem tiktiwin-a nnwen? D aya i nebγa ad nẓer, acku cɣel-nneɣ d aseḥbiber γef wegdud d talit i d nesserwes
Weεli: tugadem-aγ γef tallit-a nnwen? Ihi nekkni nesswa yerna gar n yifassen-nneɣ i d tegra!
Taxemrit: (teṭṭef-itt-id s anisa teḥma) twalaḍ! nekk akk d kečč nezmer i waṭas n temsal!
Weεli: yegra-aγ-d ad namen, ad nreṣṣi
Taxemrit: nekk yid-k!
Amsulti: imi akka yeqqim-d ad nwali d acu ilaqen, ad tfernem gar iẓenẓaren naɣ tamdint yessusmen
Weεli: (I txemrit) d acu-t waya?!
Taxemrit: ɣar-sen iẓenẓaren ssekcamenten ar wallaɣ s yin yettbeddil uxemmem, iseggasen yezrin ur wenεen ara aseqdec-nsen, d ayemmi id yeffeɣ uṣaḍuf akken ula yiwen ur tesεeddayen ara deg-sen melba yebɣa werdu (acusé) , ma d ayella d tamdint n isebten d tamnaṭ i ɣar tḥeggizen urdiyen iman-nsen akken ur ttwalin yiwen ur ttmeslayen d yiwen
Weεli: ihi d lḥebs
Taxemrit: d timezduγin am ti akkiya, zzintasent-d tebḥirin, maca ulac deg-sent ttawilat n usiweḍ n taywant
Weεli: ihi nekk ad ferneɣ lḥebs, wala ad beddleγ tiktiwin-iw d uxemmem-iw, timuɣliwin-iw d nekk
Taxemrit: ula d nekk am kečč
Amsulti: ḍfer-t aεssas-a ihi
Weεli : (yemmuqel ar winna nniḍen isur) d acu-t waya ? d acu-t waya ? d acu-t waya ?
Taxemrit: haten wayen ɣaf i k d meslayeɣ, imdanen n tmacint, iεessasen d iserdasen…
Weεli: (imuqel-itt) ur itett, ur i tess, ur yeggan, ur yettaḍen, ur yettmettat
Amsulti: d ayen tbegsem ɣaf yiman-nwen?
Weεli: dayen heggaɣ iman-iw
Amsulti: iyyan ihi
Ʃli: erğu, d ameddakel-iw, anida ara t-awiḍ? (I umeddakel-is) Acimi, acimi i txedmeḍ akka? Atan tura amek ara k waliɣ sya d asawen?
Weεli: Ur tettjeddileḍ ara ad iyi twaliḍ
Tuzyint: nniɣ-awen-d, maca tugim ad iyi-d tesmeḥsem!
Taxemrit: ula d kemm! d tagnitt tameqrant ar usirem
Weεli: d tagnit?!
Taxemrit: ih! Aseḥbes n yiwen wergaz akka am kečč d ayen ara yeswehmen akk amaḍal, wamma agdud ad as teḍru am win ar yafen taqeṭṭiṭ deg ubiṣar, meqqar yella wayen i s ara yesezri akud
Weεli: d tidet! s wakka meqqar ad yeffeɣ wawal ɣaf temsalt-nneɣ, ahat d ayen ara yerren imadenen ad mmektin d acuten, i wacuten i Yesla i uṣuni (taḍatt) teffeɣ-d taḍatt deg umras idergen
Akli Outamazirt