Tasekla (la littérature) d tili n umezruy (l’histoire). Aṭas n imnuda, imusnawen, d imazrayen ( les historiens) deg inadiyen-nsen ɣef yezri (le passé) n yegduden d tgeldiwin ttuɣalen ɣer wungalen yettwuran di tallit ɣef ayeg bɣan ad ṣefḍen aɣebbar. Llan kra nniḍen tteklen ɣef yedlisen n tsekla acku ala dagi izemren ad d-afen tidett-nni ur n-luɣ ara ɣef ayeg ttnadin. Imyura, deg lewqat n ṭṭrad, nwid n cedda d tmuḥqranit, ǧuhden s yemru akken ad d-awin izerfan-nsen wa ad seɣlin azaglu n tmuḥqranit. Uqbel 1830, imyura imeqranen d-ye ǧǧan ismawen-nsen deg umezruy aseklan arumu usan-d ɣer Lezzayer akken ad sɛeddin ussan imuras-nsen. Llan kra ttasen-d acekku tamurt-nneɣ tesɛa aṭas s wayes ara tzux deg wayen yeɛnan agama (la nature). Idurar, tiwririn, izaɣaren, ṣḥari akk llan di tmurt n Lezzayer. Ger imyura id d-ijbed zzin n ugama n tmurt-nneɣ am ddkir ad d-nebder: Jean Fromentin, Emile Zola, André Gid,…Wigi mi d-usan ɣer tmurt-nneɣ, walan, ḥewsen, uran. Acku deg wayen uran yella wacu id d-isekren ajenniw n yemyura-nneɣ. D tidett tamurt taɛǧeb-asen ayen din i ynebgawen-agi ijenṭaḍ (étranger), maca deg wayen uran nnan d akken imezdaɣ n tmurt-agi ittekkin ɣer Tefriqt ugafa ur tturebban ara, ur fhimen ara, macci d imdanen, …D tagi i d tazwert i yeǧan arum ad d-isers iḍarren-is deg wakal-nneɣ. D tazwara, uqbel ad d-igger iman-is ɣer wennar, akken ad yerr tazaglutt i wegdud azzayri, ilaq-as ad d-yaf sebba unekcum-is. Yufa-tt-id. Agdud azzayri akken ad d-yecbu deg igduden nniḍen ilaq-as win ara t-islemden. Izzayriyen, akken ad d-ini-n ala i wxemmem-agi, ala i tmuḥqranit, ala i yir tamuɣli-agi, rran-asen tiririt. Imyura, nutni, refden imru (stylo) akken ad bedden deg wudem n wigi yesseɣlin deg wazal-nsen, di ccan-nsen. Ger wid yuran deg unamek-agi, yella Mouloud Féraoun. Netta, deg wungal-is, Mmi-s igellil, id d-yef ɣen ɣer temkerḍiyin deg useggas n 1950, iglem-ed, s telqey, tudert n leqbayel. Tigullelt tewweḍ s iɣessan, imdanen ur ɣrin ara, tafellaḥt d tin isen-iṭfen tudert, tamezduɣt-nsen d tizeɣwa. Aṭas n imezdaɣ ccerkenten-tt nutni lak d lmal-nsen. Imdanen deg wagens d tkanna, lmal deg udaynin. Tawwurt unekcum d yiwwet. Tuccit ur tfuq ara. Feraoun yewwi-d awal ɣef tgullelt akken ad yerr tiririt i wid ten-iḥeqren: “d tidett ur n-e ɣri ara, ur neksib ara cci meqren, maca nekni d imdanen, d irgazen, nesɛa nnif. Nettmettat fell-as», id d-yenna deg Mmi-s igellil. Mouloud Feraoun d yemdukal-is isqerdcen asentel-agi, deg iseggasen n xemsin, uran ungalen-nsen s tutlayt urmi, acekku akken id d-nenna kemsen-asen leǧwab itt-exmam-agi ten-iḍurren aṭas.
Thiziri Zenia